Reportajen Celcia Magno
VENILALE (lifaupress) : Antes tama ba Selebrasaun aniversariu Restaurasaun Independencia, Estudante Primaria to’ o Sekundaria husi eskola 4, hala’o ona prepara maximu hodi halo Marcha iha loron 20 Maiu 2024.
Eskola haat ne’e kompostu husi Eskola Sekundaria Jeral Venilale Grupu 2, Ensino Basico Filial Uatu-haco no Eskola Ensino Basico Central.
Tuir Observasaun Jornalista online www.lifaupress.com ba treinu Marcha iha Kampu Eskola Pre-eskolar Central nia oin, Tersa Feira (07/05/2024), nota katak treinamentu hahu tuku 03.00 to’o tuku 05.00 loraik. Kada eskola 4 nia estudante na’in 31 tama Grupu ida, hodi halo Marcha iha loron Restaurasaun Independencia Nebe sei monu iha loron 20 Maiu Tinan ne’e.
Durante treinu Marcha, estudante sira ne’e, hetan treinamentu no akompanhamentu husi membru Polisia Eskuadra Venilale no professores sira.
Iha serimonia Aniversariu Restaurasaun Independensia bad ala 22, estudante Eskola Sekundaria jeral mak simu responsabilidade ba Isar Bandeira. (*)
