Reportajen : Celcia Magno
VENILALE (lifaupress) : Protesaun Sivil apoiu nesesidade baziku ba vitima Hermenegildo Da Silva, hafoin sofre akontesimentu anin – boot harahun nia uma kain ida, tanba Ai hali monu, Sabadu (08/06/2024) kuaze tuku12:15 meudia Oras Timor-leste (OTL) iha Aldeia Comu-Eli, suku Bahamori, Postu Administrativu Venilale.
Apoiu nesesidade baziku ba vitima sira, ne’ebe entrega direta husi ekipa Protesaun Sivil kompostu husi fos, mina, biskuit, supermi, balde no seluk tan. Alende ne’e, lori mos makina ko’a ai hodi aparu ai hali ne’ebe mak monu hanesan uma boot no dapur.
Xefe Aldeia Comu-eli, Agostinho Guterres hato’o ida-ne’e ba jornalista online www.lifaupress.com liuhusi plataforma Watshap, Domingu (09/06/2024) tuku 12 meudia OTL.
Agostinho agradese ba Diresaun Protesaun Sivil ne’ebe tulun ona aihan nesesidade baziku no fasilidade makina kua ai. Entretantu Vitima Hermenegildo Da Silva agradese mos ba Protesaun Sivil. (*)
TESI AI — Pesoal husi Autoridade Protesaun Sivil tulun vitima sira, ta’a ai ne’ebe monu hanesan uma. Foto Dok/Celcia
