Reportjen: Selestinho Mani Falo
DILI (Lifaupress) Grupu Estudante Hadomi Natureza (ESHANA) Fakuldade Ekonomia no Gestaun ( FEG) Universidade Nasional Timor Lorosa’e (UNTL), Kuarta, (05/06/2024) hala’o marsa Ambiental, hahú husi prizaun Becora Dili-leste, to’o jardin Largo Lesidere, atu komemora loron Mundial ambiente.
Marsa ne’e hahú tuku 7:00 to’o tuku 10:00, partisipa husi membru ESHANA UNTL na’in 70, konvidadu sira his ESHANA UNPAZ, Joventude Hadomi Natureza, ESHANA UNITAL, ESHANA PAUS no kolega estudu akádemiká sira.
“Ami hala’o atividade aumezmu tempu halo limpeza atu hasa’e sidadaun sira – nia konsensia protenze ambiente no fó hanoin komunidade, sosiedade no estudante sira, atu labele estraga ambiente”, Xefe divizaun ESHANA UNTL, Maria Natalia Gusmão, dehan ba jornalista www.lifaupress.com iha jardin Largo Lesidere, Dili.
Nia haktuir, labele soe fo’er arbiru, tesi ai arbiru no labele halo asaun ne’ebe fó angravel ba ambiente. Di’akliu uza kantil bainhira la’o ba fatin ruma no hamenus plastiku sira ne’ebe fó impaktu negativu ba ambiente.
ESHANA mai ho mensajen “ Hadomi ambiente hanesan hadomi ó – nia doben, Keta so’e fo’er tuir ó – nia gostu, iha loron ida ó sei arepend, no Kuidadu ambiente antes nia destroi ó”.
Atividade ne’e hetan apoiu husi Bee LAFAEK, ne’ebe oferese bee galun 10.
Entretantu, Pesoal ofisial SEATOU, João de Deus Godino, apresia ESHANA nia atividade, tanba bele fó hanoin komunidade, estudante liu-liu vensador sira, atu prevene impaktu negativu husi lixu ba nasaun.
” Ami sempre hamoos area Jardim Largo Lecidere . Ohin ita hamos tiha, maibe aban kuandu ita mai fali, fo’er nakonu tan. Asaun nee halo husi estudante sira ne’ebe laiha konsensia prevene ambiente fo’er. Tanba sira han tiha hahan ruma, nia rohan no kulit so’e de’it iha nia fatin tur,” nia dehan.
Iha Largo Lecidere, lixu fatin kuaze 30 resin. Maibe vizitante husi estudante, komunidade no vensador sira mak laiha konsensia atu prevene lixu. (*)
