Reportajen : Celcia Magno
VENILALE (lifaupress): Atualmente, profesor na’in 259 mak hanorin iha Postu Administrativu Venilale, munispiu Baucau, inklui parsiais tantu iha publiku no jeral .
Inspetor eskolar Postu Administrativu Venilale, Bernabe da Costa Sarmento hato’o ida-ne’e ba Jornalista online www.lifaupress.com via telefone tuku 6 loraik OTL.
Profesor sira ne’e hanorin iha eskola 24, kompostu husi Eskola Sentral tolu komposu husi EBC 3⁰ Ciclo Uai Bua Venilale ho nia filial 7, EBC 3⁰ Ciclo São Cristovão Venilale (Filial 6) EBC 3⁰ Ciclo Bercoli (filial 5), ESG Venilale+Classe Paralelo Bercoli, ESTV Venilale, ESSA paralelo Do Reiño de Venilale.
Kona – ba jestaun tempu ba futuru, Eskola privada sira husi Eskola Sao Cristovao Venilale,, Eskola Tekniku vokasional Madre Maria Mazarello Venilale, ladun ona iha difikuldade.
Maibe tuir Inspetor , Bernabe da Costa Sarmento, ba eskola Catolika Essa Do reinu Venilale, karik ba futuru sei iha difikuldades ba profesor.
Tanba, hafoin professor sira tuir tiha konkursu kandidatura Bolsu meritu, provizoriamente na’in 5 de’it mak pasa. Profesor sira ne’ebe pasa mak profesor na’in 2 husi Eskola Catolika Essa Do reinu Venilale, klase paralelo professor na’in 1 husi Eskola Pre-Sekundaria Catolika Filipe Renaldi venilale, Professor na’in 1 husi Eskola EBF 1° no 2° Catolika Benedoko no professor na’in 1 husi Eskola EBF Bahamori.
Aliende ne’e, Xefe Gabinete Edukasaun munisipiu Baucau rezolve ona problema livru ba eskola sira, partilha ba iha diretiva sentra,l hodi nune’e mosu ba diretiva munisipiu atu foti livru Ensino Basico ba 3° Ciclo .
Maske nune’e, nia seidauk hatene klaru materia saida no livru hira mak orienta husi diretiva munisipiu, atu utiliza nuudar materia aprendizaje iha eskola sira. (*)
