Reportajen Celcia Magno
VENILALE (lifaupress) : Lusia Ximenes, Freitas joven feto ida ne’ebe hetan asidenti iha Venilale, segunda-feira (22/4/2024) simu suku pontu rua, iha ain fuan parte karuk, husi Infermeiro Ospital Postu Administrativu Venilale, Baucau.
Hanesan publika tia ona antes, liuhusi www.lifaupress.com, Lusia Freitas Ximenes, hamutuk ho nia maun, sai vitima asidenti motor soke halai, Segunda -feira (22/4/2024) meiudia iha Venilale, Baucau, bainhira motorista ida halai korta dalan atu tama ba eskola ida iha Venilale.
Nivio Ximenes Freitas kanek iha ain no liman sira, entretantu Lisia Ximenes Freitas kanek todan iha ain no isin sira, tanba pankada makas ba estrada. Vitima Lusia ho nia maun, konsege tula ba Klinika Sauda Venilale, hodi halo tratamentu.
Infreimeiro Postu Saude Venilale, Joaquim ba Jornalista online lifaupress.com iha edifisiu Postu Saude Venilale hateten, vitima na’in rua husi asidente ne’e ladun grave. Maibe, tanba iha meudia nune’e, vitima feto sofre ran sai barak husi ain fuan karuk, nune desidi suku pontu rua, husi ain fuan. Nno mane kanek iha ain no liman fuan karuk, hetan ona kurativu no fo ona aimoruk.
“ Sira bele fila ba uma, tanba kanek deit. Nune’e , liu loron rua mak mai fali kontrola kanek,: nia dehan tan.
Infermeiru ne’e mos husu ba pasajeirus sira, bainhira halo viagem ho Motorista no transporte privadu ho publiku, nafatin kontrola an, tanba estrada di’ak. Nune’e labele hetan asidente ruma. (*)
