Reportajen Celcia Magno
VENILALE (lifaupress) : Joven na’in rua, Nivio Ximenes Freitas no Lisia Ximenes Freitas sai vitima husik soke halai, Segunda-feira (22/4/2024) iha Suku Fatulia, Postu Administrativu Venilale, Baucau. Suspeitu na’in rua, halai husik hela vitima no motor ne’ebe sira uza.
Tuir informasuan ne’ebe jornaista www.lifaupress.com halibur, Segunda feira kuaze tuku 12 liu minute 50, Nivio Ximenes Freitas uza motor ho numeru xapa matrikula 1655, tula nia alin feto Lisia Ximenes Freitas husi Wailili ba Venilale.
Bainhira to’o Venilale, derepenti Nivio Ximenes Freitas ne’ebe tula hela nian feto Lisia Ximenes Freitas, hakfodak.
Tanba estudante na’in rua ne’ebe diskunfia sai suspeitu, uza motor ho numeru xapa matrikula 6172, halai ho velosidade aas husi kotuk, halai korta vitima sira iha portaun boot atu tama ba areador eskola, soke maka’as to’o vitima nia motor monu tam aba valeta kuak. Vitima na’in rua monu tun ba estrada.
Nivio Ximenes Freitas kanek iha ain no liman sira, entretantu Lisia Ximenes Freitas kanek todan iha ain no isin sira, tanba pankada makas ba estrada.
Estudante ne’e Halai lakon tanba trauma no tauk no vitima nain rua ba halo Tratamentu iha sentru la Saude Venilale.
Tuir sasin Novia Freitas, bainhira vitima sira tuir dalan to’o iha Venilale, suspeitu no motor para hela dalan atu ba eskola orariu loraik. Hare vitima na’in liu mos husi area ne’e, suspeitu mos halai tuir, korta dalan no soke kedas iha eskola nia oin. T
Tanba vitima la preparadu no soke maka’as’, motor monu ba valeta kuak , no vitima nain nain 2 soe aan ba estrada . Suspeitu halai lakon, no polisia buka tuir hela. Komunidade sira ajuda kedas vitima sira, lori halo tratamentu iha Sentru Saude Venilale, Baucau. (*)
