Reportajen: Selestinho Mani Falo
DILI (lifaupress) estudante ida ho naran kompletu Prendo Aliandro Falo idade 15, husi aldeia Hautefo, suku Ban-afi, postu administrativu Nitibe, RAEOA, mehi atu sosa motor fa’an modo haleu Kampung Baru.
“Ha’u fa’an modo tanba hakarak sosa motor bainhira ha’u boot no laos deit ba mehi sosa motor maibe uza ba eskola selu mikrolete no sosa hahan ruma” Prendo dehan ba jornalista www.lifaupress.com iha estrada ninin Bomberus Kampung baru, Raihun, Dili.
Prando fa’an desde sei iha pre-primariu klasse 5 ano no dadauk ne’e eskola iha EBC 30 de Agustu, turma “C” klasse 7 ano tama eskola ho meudia tuku 1:00.
“Hau la mo’e kuandu kolega sira haree hau fa’an modo no fa’an modo nee laos ezize husi Inan Aman sira la’e hau mak iha interese rasik mak duni hau nia mehi”, nia afirma.
Nia hatete, dadersan Apa ba foti modo iha Airterjun lori mai uma mak Ama, maun no alin sira ajuda malu kesi sai futun mak ha’u tau hamutuk ba AI A’u ida mak leba lori sai ba fa’an no modo ne’ebe fa’an hanesan ai-farina tahan, modo mutin, bayam, ai-dila tahan, fehuk dikin, Ai-dila fuan no ai-fuan sira seluk.
“Loron ida ha’u hetan maximu 7 USD minimu 5 USD balun fó ba ha’u nia ama rai no balun hau uza ba eskola”, nia dehan.
Daudauk ne’e Prando hela hamutuk ho inan aman iha Kampung baru Raihun, aldeia 4 de Setembro, suku Comoro, postu administrativu Dom Alexu, munisipiu Dili. (*)
