Reportajen: Selestinho Mani Falo/Osterlia Muni/Maria Feno
OE-CUSSE (Lifaupress) selebrasaun aniversariu loron proklamasaun independensia ba dala-49 tinan 2024 Kinta-Feira (28-11-2024) iha kampu 01 de Maio suku Cost, postu administrativu Pante Macasar, Rejiaun Administrativu Espesial Oe-cusse Ambenu (RAEOA) atu relemra fila hikas heroi sira ne’ebe mak sakrifika-an hodi sosa libertasaun povu.
Presidente Republika (PR), Jose Ramos Horta, iha nia diskursu hateten, liuhusi komemorasaun loron proklamasaun da Indepedensia 28 de Novembru 1975 ba dala-49 povu tomak fo omonajen ho gratidaun kle’an ba eroi no martir sira ne’ebe sakrifika sira nia vida ba ita nia soberania, Presidente Repúblika (PR) José Ramos Horta nia diskursu iha kampu 1 de Maio, suku Costa, postu administrativu Pante Macasar, RAEOA.
“Atu memória husi kombatente aten-barani sira nee inspira nafatin ita atu promove dame no independensia, no mos atu luta ba futuru ida neebe justu no inkluzivu lii, liu-liu ba sira ne’ebe presiza liu hanesan labarik sira, feto, katuas-ferik no mos ho ema defisiensia”. Ita mos ho ksolok rekoñese prezensa husi distintu konvidadus sira, nasional no internasional, ne’ebe ho laran diak hamutuk ho ita hodi selebra momentu signifikativu ne’e.
Distintu konvidados Internasional sira mak hanesan tuir mai, ministru defeza Republika Indonesia (RI) Tenente-Jeneral, representa Prezidente Republika Indonesia (PRI), ministru xefe governu sabah Malazia, eis-primeiru ministru Reinu Kamboja no Tentara nasional Indonesia. Distintu konvidadu nasional hanesan, membru parlamentu nasional, membru governu Arsebispu arkidiiseze metropolitanu Dili, PGR, PDHJ, membru koropu diplomatiku PA RAEOA, koodenador ZEESM no veteranos sira.
Tuir observasaun jornalista www lifaupress.com, iha serimoñia selebrasaun aniversariu proklamasau independensia tinan 2024 ba dala-49, ba korpu isar bandeira hanesan tuir mai, membru F-FDTL na’in 5 paskibra na’in 100 tal kompostu husi 12 munisipiu inklui RAEOA, korpu isar bandeira na’in 4 feto 1 mane 3 husi kompostu husi membru paskibra RAEOA kada escola sira.
Membro F-FDTL no PNTL neebe mak partisipa iha formatura ba kampu serimoñia hanesan, F-FDTL husi Naval Metinaru, Atauru, Dili no RAEOA no UPF, UPM no PNTL.
Partisipasaun maximu husi Povu Atoni suku 18, estudante iha RAEOA, funsionariu, joventude, Katuas-ferik no labarik . (*).
