Reportazen: Lúcia Ramos Simões Freitas
DILI (lifaupress.com): Vise Primeiro Ministro, Ministro Dezenvolvimento Rurál no Habitasaun Komunitária (MDRHK) Mariano Assanami Sabino hamutuk ho Prezidenti Autoridade munisipiu Dili, FFDT, PNTL, estudante sira no povu Cristo Rei halo’o serimonia loron proklamasaun indepedensia ba dala 49.
Tinan 49, tinan ne’ebé naruk ka kleur ohin loron refleksaun ba povu timor hotu-hotu liuliu ba joven rezistensia sira ne’ebé fo ona sira nia indepedensia ba rai doben timor-leste, ita presiza kontinua kuidadu, ukun rasik an ne Útil ba ema hotu-hotu, nia fuan mak liberdade, nia fuan mal demokrasia, nia fuan mak direitus umanus, respeitu malu dignifika povu hotu-hotu no ekonomia.
Ekonomia prossesu ida naruk maibe liberdade paz no hakmatek ne’e mai husi ema idak-idak nia pensamento no komitmentu, rekonsiliasaun paz damen ne’e parte ida ne’ebé ita atu ukun rasik an la separa no la iha diferente,” Vise Primeiro Ministro Mariano Assanami Sabino Afirma ba jornalista sira iha resinto Prizaun Bekora Dili, Sexta Feira, (28/11/24).
“Kuidadu ita nia nasaun no vijino ne’e hakmatek Australia no Indonezia ita tenke interra lolos katak atu kontinua hametin paz ho dame tenke halo opsaun politika sira ne’ebé importante bele assegura fronteira, atu assegura livremente ba jerasaun future,” nia dehan.
Dia 7 de dezembro marka ida ne’ebe hahú funu hahú luta sakrifisio terus oioin ne’e mos afirmasaun ida atu defende 28 de novembro, 2002 restaura fila fali nia valor ka prinsipiu restaura ema hotu-hotu oinsá mak ita iha responsabilidade atu kontinuasaun. (*).
