Reportajen : Celcia Magno
VENILALE(Lifaupress) : Polisia Eskuadra Venilale, Baucau, Asegura maximu ba sarani no familia sira kuaze rihun ba rihun hodi la’o ba semiteriu Luga-Oli, Suku Fatulia hodi kari aifunan, hafoin partisipa Misa iha Igreja Paroquia Sagrado Coracao Venilale, Sabadu (02-11-2024) kuaze tuku 10.00 dader OTL.
.Tuir observasaun www.lifaupress.com, sarani balun lori aifunan ho la’o ain deit no sarani balun ho transporte privadu hanesan motor, Carry, Truk,no seluk tan hodi movimentu ba semiteriu Luga-Oli no balun ba semiteriu Waibua iha kampu Infatil oin.
Membru Polisia Eskuadra Venilale, konsentra transporte sira para iha kampu Infatil Venilale oin, , mak la’o ain deit ba iha semiteriu Luga-Oli mais ou menus minutu 20. Atuasaun ne’e ho objetivu atu prevene asidenti trafiku iha loron matebian sira.
Polisia mos akompanhia familia no sarani sira to’o ramata kari aifunan iha semiteriu. Alende kari ai-funan, sarani sira mos uza okaziaun ne’e hodi hasai foto hamutuk no hatudu laran triste kahur ho kontenti. Hafoin ne’e, Polisia kontinua akompanha sarani no familia sira fila husi rate, la’o mos tama-sai bairo hodi asegura situasaun no prevene joven sira hemu tua iha Estrada, halo krime no seluk tan. (*)
