Reportajen : Celcia Magno
VENILALE (Lifaupress): Sarani Paroquia Venilale kuaze rihun ida resin selebra Loron Matebian hatudu domin husi Orasaun ba Maromak nafatin fo naroman ba matebian sira hotu, halo sira haksolok iha mundu seluk tanba loron ne’ebe festeza ba sira hotu.
Iha misa ne’e prezide husi Amu Paroku Sagrado Coracao De Jesus Venilale, Carlos Fernandes SDB iha Igreja Paroquia Sagradu Coracao De Jesus Venilale Sabadu (02-11-2024)tuku 7:30 Dader OTL.
Loron Matebian ne’e, atu hanoin hikas Inan-aman, maun no bin-alin sira, ne’ebe mate ona husi avo Bei-ala sira to’o agora , hasa’e orasaun nuudar jestu no domin ba Aman Maromak nia lia-fuan hodi fo naroman ba sira ho Jesus nia lia-fuan, “Ha’u Aman tau tiha buat hotu ba sira no fo mai ha’u ema sira ema hotu ne’ebe ha’u aman fo mai ha’u, sei mai iha reinu lalehan tanba ha’u sei la haruka sira fila no soe sira ba liur, tanba mai husi ha’u Aman no ha’u Aman nia hakarak mak ne’e”.
Iha nia omilia, Amu Selebrante Misa, Carlos Fernandes SDB hateten, fiar ida – ne’e ba Maromak, ema hotu ne’ebe Aman fo la duni fila no sei halo sira moris iha loron ikus ,mai ho fiar ida ne aprezenta lori ba nai nia nia futar oin ,ba moris hias no moris rohan laek aman deit mak fo ,Moris hias fila fali.
“Ema barak haluha realiadade ikus nian ba Maromak. No selebrasaun ho gratidaun agradese ba Maromak ba moris rohan laek, importalidade klamar la mate terus rohan laek. Ho ida – ne’e ha’u fiar lori maun – alin sira hotu hatene no la hatene hotu-hotu iha Nai nia futar oin, atu Nai haraik moris rohan laek ba sira,” Amu Esplika.
Mate iha ona ema – nia matan loron-loron. Balun husi anju sira, adultu, juventude no ferik katuas sira, prontu atu mate ho idade ema nian . Moris tinan naruk bainhira iha antigu testament, Adao mak ho tinan 990, Noe ho tinan 930, Abrao ho tinan 175. Atualmente ema moris maximu ho idade 80 tun mai karaik. No Aman nia oan Jesus nia tinan 33 mak misaun iha mundu ne’e mate – moris hias fali hodi sa’e ba Lalehan.
Misa remata yiha, Amu Paroku Carlos Fernandes fo Bensa ba Ai-funan sira ne’ebe tau iha Igreja laran no liur. Hafoin ne’e, sarani sira ba kari aifunan iha Semiteriu Luga-Oli Fatulia no Semiteriu Waibua. (*)
