Reportajen: Osterlia Muni/Dulce Lim
CITRANA -(Lifaupress): Primeiru Minstru, Kay Rala Xanana Gusmão partisipa selebrasaun Natal no Tnan foun hamutuk entre komunidade fronteira Citrana (RAEOA, Timor-leste) no komunidade Oe-poli (Kupang, Indonesia).
Serimonia Natal no tinan foun hamutuk iha iha Usapi Ba’at, Citrana, Sub Rejiaun Nitibe, Tersa feira,(30/12/2025) ne’e, organiza husi Autoridade RAEOA, servisu hamutuk mos autoridade Polisia, militar no koordenasaun ho liurai Am fo’an no Am Silla, NTT, Indonesia.
Iha okaziaun ne’e, Primeiru Ministru Kay Rala Xanana Gusmao hateten, sorumutu amigavel festeza Natal 2025 no tinan foun 2026 entre maun alin no familia boot oecusse Ambeno Timor Leste ho familia boot ho Oepoli Republika Indonesia, nuudar opurtunidade ba timoroan hotu tur hamutuk tane no promove povu Timor Leste povu Republika Indonesia ne’ebe fraternu no solidadariu.
“Ita kontinuasaun prosesu rekonsiliasaun entre Indonezia ho Timor-Leste, ne’ebe sai ezemplu di’ak ida iha Azia Pasifiku. Maske ita oho malu, ikus mai ita tebki haluha pasadu no hare ba futur ne’ebe di’akliu ba jerasaun foun sira,” Xanana dehan.
Nia dehan tan, iha loron 28 Novembru 2025 liuba povu Timor-leste selebra aniversariu loron Proklamasaun Independensia ba dala 50. No tinan 24 Timor-leste iha Indonesia ni okupasaun. “ Ita restaura Independensia iha 20 Maiu 2022 no tinan 2026, ita tama ona tinan 24 era Restaurasaun Indpeendensia,” nia dehan .
Tuir Xanana Gusmão, ohin – loron ba oin, povu rai rua ne’e labele hare ba kazu ne’ebe akontese iha tinan 50 liuba. Maibe, momentu ida-ne’e tenki serbisu hamutuk nudar familia no maun-alin .
Prezidenti Autoridade RAEOA, Regio da Cruz Salu hateten, Makios ka vizita malu, nudar kuztume ida ne’ebe hanorin ona husi kedas tempu beiala sira. “Vizita malu nee. sai kultura Atoni, ohin loron la’o nafatin. Aktu simboliku ida ohin, ita kuda bua iha fatin nee, tanba tinan atus liu ba, Avo sira husi Oe – cusse Ambeno bolu malu ho avo sira husi sorin mai iha fatin ida – ne’e, naran Tep ana ho tepa Naek
Kostume ida nee, tuir Regio da Cruz Salu, mai husi kultura Makios iha ambitu Rekonsiliasaun, maun – alin sira aproveita festa Natal tinan foun hamutuk. Konvida malu, Makios iha tinan nee.
“ Ohin lider sira hakarak hamutuk, nune’e ita Vizita malu ka Makios ba malu, labele iha odiu ba malu tan deit fronteira. Ita hotu rekonese froneteira ne’e estadu la’o tuir estadu nia desizaun. Maibe povu ho povu, familia ho familia tenki vizita malu no Makios ba malu. Ida – ne’e maka ohin selebrasaun Natal hamutuk supreza boot ba povu Oe – cusse no Am Fo’an Oepoli. Tanba ita la konvida lider boot sira, maibe ita nafatin atu informa ba ita – nia lider boot nai Primeru Ministru PM, nu’udar entidade titular ba RAEOA . Mainhira nai Primeru Ministru PM hare ita – nia karta informativa kona – ba atividade ida – ne’e, nia mós deside atu tenki partisipa,” Regio hateten.
Maske udan boot simu Primeiru Ministru no komunidade husi familia boot fronteira rua ne’e, la hamenus espiritu Makios atu festeza Natal no tinan foun hamutuk entre familia Atoni Oe – cusse no Atoni Oe- poli. (*)
