Reportajem: Juliana da Silva.
( Lifaupress): FC Deshigio Sai Kampiaun Jogu Copa Natal Iha Suku Railaco Leten, Postu Administrativu Railaco, Munisipíu Ermerahafoin halakon FC Bilili iha jogu final, Sexta feira, 2 de Janeiro 2026.
Final jogu ne’e asisti direta husi autoridade suku, Presidente kapela, Veteranus, Direitor Eskola, Xefe Joventude feto/Mane, komisaun Organizadora no komunidade sira.
Ho rezultadu nee, FC Bilili hetan pozisaun Segundu lugar no FC Busagoa ba terseiru lugar.
Jogu final ne’e hahu tuku 2: 20. Jogu final atu hetan Kampiaun ba Copta Natal 2025 ne’e, la’o ho forsa ekuilibru. Tanbá durante jogu final Primeira parte no Segundu parte, laiha Iklubu Ida Mak hatama golu.
Nune’e arbitu desidi aumetan tan tempu jogu minutu 15. Ho aumenta tempu, klubu Rua Koko aumenta ritmubataka malu. Nune’e iha minutu 4 ,jogador ho kamizola 19 husi FC Bilili hatama 1-0.
Hare ba sofre golu Ida, FC Deshigio Koko kontra atake makkas nomlori rezultadu iha minutu 7, jogador FC Deshigio ho numeru kamizola 9 hatama golu Ida, hodi halo pozisaun empata 1:1.
Tempu menutu 15 mos remata, entaun arbiru aumentan minutu 10. Nune’e too minutu ikus arbiru hu apitu, FC Deshigio manan ho golu 4 kontra golu 2 husi FC Bilili.
Komisaun Organizador hateten, manan ka lakon la’os objetivu ikus husi Copa Bola ne’e. Importánte Liu halo anima komunidade sira iha suku no bairu, hodi labele hamosu konflitu.
” Manan KA lakon tenki iha nafatin unidade ba malu. Manan haraik an, lakon korajem ba malu. Tamba jogu la’os iha tinan ne’e deit, maibe Natal Cup sempre realiza tinan-tinan.iha suku Railaco leten.
Xefe suku Railaco Leten, Manuel Borges de Araujo Sarmento husu ba joven sira hotu atu hari no hametin unidade iha suku.
” Husu ba Ita hotu-hotu iha suku ne’e, mai asisti hodi fo suporta ba ita- nia jogador sira. Adeptus husi klube ida-idak fo apoiu tomak ba sira, hodi fo espiritu lutan ho kontente,” Xefe Suku dehan tan.
Xefe suku nee mos apela ba povu Railaco leten, liuliu inan – aman, Maun bin alin sira hotu atu kontinua suporta jogador Sira iha tinan Sira tuir Mai.
” Joven sira mak sai jogador, nee oportunidade diak ida. Hau lakoi rona imi halo problema hanesan joven sira iha fatin seluk. Hau hakarak imi mak sai nain iha suku ne’e. Tenki fiar malu nafatin, ” Nia dehan.
Entretantu, Xefe joventude , Elezita Amaral, atu fo koragen ba jogador sira ne’ebe lakon iha semi final no final Natal Cup 2025 labele lakon vontade no prepara didi’ak atu joga Fali tinan 2026.
” Tenki aparesia ba malu. Lakon joga nafatin, manan mos joga nafatin, atu halo rame ita-nia Railaco Leten,” Xefe Juventude nee dehan. (*)
