Reportajen : Anna Ribeiro
DILI, (lifaupress.com): Primeiru-Ministru, Kay Rala Xanana Gusmão husu ba Embaixadora Timor-leste bá Comunidade dos Paises de Lingua Portuguesa (CPLP), Laura Abrantes atu estabelese kooperasaun importante haat ho pais belun CPLP.
“Tenke halo uma leitura bá paízes membrus, estadus membrus da CPLP, depois aprende, haree, depois halo analiza saida mak ita bele iha kooperasaun,” Embaixadora Laura Abrantes esplika ba jornalista sira, hafoin hala’o enkontru ho Xefe Governu iha Palasiu Governu, Dili, Kuarta (3/4/2024)
Nia hatutan, iha pilár haat importante, ne’ebé sai misaun embaixadora nian reprezenta país Timor-Leste ba CPLP nian.Primeiru, Komite Konsertasaun Polítika Permanente, segundu, divulgasaun ka difuzaun da Lingua Portuguêsa. Terseiru, Kooperasaun iha setóres no kuartu pilár maka Komérsiu Emprezárial.
Durante enkontru, PM Xanana husu atu Embaixadora Laura tAbrantes atu aas promove interese politika, ekonónomia, edukasaun no prioridade seluk tan ho CPLP.
“Ne’e uma ónra. Nuudar embaixadóra Timor-Leste bá CPLP, iha obrigasaun atu mai fó hatene, no ko’alia ho primeiru-ministru, husu orientasoens buat sira ne’ebé maka halo ba misaun ida, reprezenta País Timor-Leste junta CPLP,” nia dehan.
Nune’e, Primeiru Ministru, Kay Rala Xanana Gusmão fó orientasoens intermus polítika diplomasia, ekonomikamente nonovas asuntus edukasionais.
Orientasaun politika ne’e nuudar motivasaun importante hosi Xefe Governu, hodi hala’o misaun ho susesun.
Embaixadora Laura simu hosi Prezidente Repúblika, José Ramos-Horta iha Palásiu Prezidensiál Nicolau Lobato, Dili loron kuarta (13/03/2024).Tuir planu, iha fulan ne’e, Embaixadora Laura sei arranka ba Portugál hodi hala’o ninia knaar.
