Reportajen : Ynha Araujo
MANUFAHI (lifaupress.com) : Estensionista Postu Administrativu Same ho reprezentante Diretor Servisu Agricultura munisipal, lideransa komunitaria Babulu Postu Administrativu Same, kolheta batar toos ezemplar ho luan 0,75 hektare iha Bairu Fataha, Aldea Rai Merak, Suku Babulu, Tersa – feira ne’e.
Xefi Departamentu Estensaun Agrikula munisipio Manufahi, Eurico de Andrade hateten, toos ezemplar nee implementa iha epoka da-huluk tinan 2023. “ Ohin ita kolheta atu motiva agrikultor sira, banati tuir tek-niku estensaun agrikula. Nune’e hasae produsaun agrikula no hadia rendimentu ekonomia familia,” Eurico de Andrade reafirma.
Iha sorin seluk, Xefi Aldea Rai Merak, Suku Babulu, Postu Administrativu Same, Amandio de Jesus, reprezenta agrikultor sira agradese ba estensionista, ne’ebe halo ona toos ezemplar hodi motiva povu agrikultor sira, hodi hasa’e produsaun batar.
Entretantu, toos ezemplar nee implementa iha fatin haat, kompostu postu Same toos exemplar kuda batar, postu Adeministrativu Alas kuda buah naga, Fatuberliu kuda hare natar no iha Postu Administrativu Turiskai kuda koto. (*)
