Reportajen Celcia Magno
VENILALE (Lifaupress) : Prezidente Autoridade Munisipiu Baucau, Veneranda Lemos sei kooperadi’ak ho Ministeriu Agrikultura no Peskas atu kontinua enkopraja agrikultor sira, kuda hare iha rai potensial sira.
“ Durante ne’e Timor-Leste importa fos barak husi nasaun seluk. Tanba ne’e, di’akliu ita utiliza rai bokur sira iha ita-nia rai-laran hodi produz hare, ba komsumu lorloron. Ami sei enkoraja agrikultor sira kada suku ihaPostu Administrativu 6, atu kuda hare iha tinan oin Mai.
,” Prezidenti Autoridade Munisipiu Baucau, Veneranda Lemos ko’alia ba jornalista sira iha Bauca, Sabadu (20/4/2004).
Fulan tolu liuba, Veneranda hatutan, agrikultora sira kuda ona hare iha suku balun, ne’ebe iha rai potensial ba natar. Ami mos sei koopera ho Ministeriu Agrikultura no Peskas, atu hare natar abandonadu sira, ne’ebe agrikultora sira la produz hare kelur ona, “ nia dehan.
Nia rekunhese, natar balun abandonadu tanba menus bee. Nune’e, liuhusi Programa Nasional Dezenvolvimentu Suku (PNDS) sei halo irigasaun bee husi bee – matan balun hodi fornese bee ba natar sira.
Espera ho esforsu durante mandatu nuudar PAM Baucau, neneik munisipiu Baucau la importa ona aihan husi nasaun seluk. “ Ha’u orgullu, tanba agrikultor sira hatudu servisu di’ak ho autoridade, hodi kontinua servisu no produz husi natar sira,” eis deputada partidu CNRT iha Parlamentu Nasional ne’e dehan. (*)
