Reportajen Celcia Magno
BAUCAU (lifaupress) : Baucau, ne’ebe estabelese iha tinan 1859, selebra-nia aniversariu loron fundasaun ba dala 165 , ne’ebe monu iha Loron 20 Abril 2024. Ho aniversariu ne’e, autoridade no povu, hakarak hamutuk halo Baucau sai furak iha ambiente paz, unidade no dezenvolvidu.
Serimonia ofisial aniversariu loron fundasaun Baucau ba dala 165 ne’ebe hala’o iha Centru Convencao Baucau – CCB-, Sabadu (20/04/2024) tuku 7.00 OTL hili Tema “Baucau Hau – nian , o-nian, Ita– hotu nian ,Baucau ba Timoroan hot, Ita – hotu nian”.
Antes hala’o Serimonia, realiza atividade barak ne’ebe involve populasaun sira, hahu husi desportu, halai karon, tata berlindus ba labarik, feira, palku muzika, dansa kultura, karavana, motor cross, Taekwondo no seluk tan.
TAEKWONDO : Atleta Tae Kwondo iha munisipiu Baucau partisipa anima Komunidade iha selebrasaun aniversariu Baucau ba dala 165. Foto LP/dok
Prezidente Autoridade Munisipiu Baucau, Veneranda Lemos ba Jornalista sira esplika, atividade sira iha ambiente aniversariu Bauca bad ala 165 atu anima populsaun husi Postu Administrativu 6, hatudu sira – nia Identidade rasik, talentu no abilidade desportivu.
Komisaun organizadora mos prepara premiu ba manan na’in sira. “Husi atividade sira, inklui Feira, populsaun sira husi Postu balun promove Marungi ba Sabaun , Mina virgem no seluk tan,” nia dehan.
AUTORIDADE SIRA: Presidenti Autoridade Munisipiu Baucau, Veneranda Lemos (uza vistuariu kultura), hamutuk ho autoridade sira seluk iha selebrasaun aniversariu Baucau ba dala 165, Sabadu (20/4/2024. Foto LP/Dok
Serimonia Aniversariu ba Dala 165 ne’e hetan partisipasaun maximu husi membru Governu, Autoridade Munisipiu Baucau, funsionariu no populasaun sira husi Postu Administrativu Baguia , Kelikai, Vemase, Venilale, Laga no Baucau Vila.
Aliende ne’e, Grupu Bahu Tirilolo kompostu husi katuas no ferik Tebedai no baku Babadok, la’o ain haleu sidade Baucau – husi Kota baru (sidade foun – Tetun) tama to’ o Centru Convencao Baucau. Anima mos hoDrum Band husi Estudante Baucau no Falintil Forsa Defeza Timor leste – F-FDTL.
Susesu atividade sira ne’e, mos hetan Suporta husi CCITL, Telemor, Telkomsel, BNCTL, Kaizen Restu Bakaryno Roman Troul Travel Metro link . (*)
FOTO (Leten): Estudante sira hatudu talentu Drum Band halei sidade Baucau. (Karaik): Caravana ne’ebe partisipa Huși komunidade șira. Foto LP/dok.
