DILI (lifaupress) : Asosiasaun Esposa Polísia Nasional Timor-Leste (AESPNTL) realiza Asembleia Jerál Dahuluk, Kinta-feira (18/04/2024), hodi prienxe kriteria ba prosesu legalizasaun sai Asosiasaun ida iha nível nasional to’o munisipais.
Asembleia Jerál sosiasaun Esposa Polísia Nasional Timor-Leste Dahuluk iha Centro Formação Polícia (CFP)ne’e, atu parova estate organizasaun no hili pesoal sira-ne’ebe mak atu tur iha estrutura.
Aktividade ne’e realiza iha âmbitu Reuniaun Avaliasaun Servisu Komandu PNTL nian no mós Serimonia Distribuisaun Viatura ba Komandante munisipiu inklui Unidade Komandu PNTL.
Komandante Jerál PNTL, Komisariu Jerál Polísia Henrique da Costa ba jornalista sira hateten,. AESPNTL halo ona servisu tinan ida ona, apoia PNTL no ema kbi’it laek sira, inklui ema ho difisiensia sira.
“AESPNTL presiza iha baze legal ida, hodi hala’o servisu. Nune’e, ekipa traballu prepara hela sira nia Estatuto atu nune’e bele lori ba rezista iha Ministeriu Justisa. Tanba ne’e, ohin sira realiza sira – nia Asembleia ka Kongresu, atu hili membru estrutura sira tantu iha nasional to’o iha munisipiu hodi bele hala’o sira – nia servisu”, Komandante Jerál PNTL ne’e esplika.
Komisariu Jerál Polísia, K Henrique da Costa reafirma, AESPNTL ajuda tebes servisu Komandu PNTL, inklui organiza familia membru PNTL, servisu hamutuk ho Departamentu Saúde PNTL, halo tratamentu saúde ba iha membru PNTL,.
“ AESPNTL mós halo komunikasaun ho Ministeriu Saúde (MS), horseik ita hetan doutor espesialista lubuk ida ne’ebe maka mai halo tratamentu,” Komisariu Jeral Polisia, Henrique hateten. .
Komandante CFP, Superintendente Polísia, Emilio dos Santos, nuudar Xefe Komisaun Organizadora Asembleia Jerál Dahuluk esplika, Asembleia jeran AESPNTL nuudar rekezitu legal, atu bele rejista organizasaun legalmene, liuhusi rejistu iha Notariadu Ministeriu Justisa.
Nia dehan, Asembleia bele fahe ba rua. Primeiru, Asembleia Jerál no ida seluk Asembleia Limitadu, ne’ebe ba deit membru Fundador sir aba Asosiasaun ne’e.
“ Iha Asembleia Jeral ne’e, desizaun ba hili Prezidente no Vise Prezidente ita sei halo liuhusi aklamasaun deit,” nia dehan.
Entretantu, Inspetúr Jerál PNTL, Superintendente Xefe Polisia, Jorge Monteiro iha sesaun Asembleia ne’e mos hateten, Asembleia Jerál Dahuluk AESPNTL ne’e atu hili formalmente, legalmente Prezidente no Vise Prezidente AESPNTL, inklui membru estrutura sira hotu.
Hola parte iha Asembleia Jerál Dahuluk AESPNTL ne’e, Esposa Komandante Jerál PNTL, Manuela de Araújo, Esposa Segundu Komandante Jerál PNTL, Ticha Altrudes Valente Gonsalves, esposa Komandante Supervizaun Komandu PNTL, Esposa Komandante Unidade (UPM, UEP, UPF), Esposa Komandante Komandu PNTL munisipiu 13 inklui RAEOA, Esposa Xefe Departamentu no Xefe Servisu sira iha Komandu PNTL. (*/Media PNTL).
