Reportajen : Anna Ribeiro
DILI (lifaupress) : Governu Timor-leste, liuhusi Ministeriu Saude sei kontinua servisu hamutuk ho Organizasaun Nasoens Unidas UNICEF, mellora bee, Saneamentu no ijiene iha Fasilidade Kuidadu Saúde (FKS) sira.
Vise-Ministro Saúde Fortalecimentu Institucional da Saúde , José dos Reis Magno, Lic.SP, reafirma ida-ne’e bainhira halo intervensaun ba Workshop Nasional kona – ba Be’e Saneamentu & Ijiene (BESI) iha Fasilidade Kuidadu Saúde (FKS), Segunda-feira (22/4/2024) iha Otel Timor, Dili
Melloramentu Bee, Saneamentu & Ijiene ne’e, sei halo iha Fasilidade Kuidadu Saúde (FKS) sira ho nivel Primaria, Sekundaria no Tersiaria). Alende ne’e, monitoriza no halo mos avaliasaun.
“ Presiza halo teste regular ba bee-nia kualidade iha Fasilidade Kuidadu Saúde. Haforsa koordenasaun entre linha ministériais sira no parseiru sira,” Vise Ministru Saude ba Fortalecimentu Institucional da Saúde, José dos Reis Magno, Lic.SP. hateten.
Durante ne’e, apoiu ona Padraun Nasional Bee, Saneamentu & Ijiene no Fasilidade Kuidadu Saude, no apoia ekipamentu Teste Kualidade Bee ba Minisipiu 12 no Rejiaun Administrativu Espesial Oecusse Ambeno (RAEOA).
“ Ha’u espera katak ho manual no ekipamentu ne’e, ajuda guia ita hotu, kona-ba melloramentu Bee, Sancamentu no ljiene iha Fasilidade Saúde ne’ebé sustentavel no relisinte mos ba mudansa klimatika,” nia dehan tan.
Iha parte seluk nia husu partisipante workshop nasional ne’e, transforma ideia sira ba asaun konkreta, kona – ba oinsa “Haforsa Be’e Sancamentu & Ijiene iha FasilidadeKuidade Saúde ba Kualidade Kuidadu Saúde.”
Ministeriu Saude konsidera UNICEF nuudar advogadu global ba servisu ne’e, sempre iha disponiblidade tomak atu apoiahodi atinji alvu sira iha Timor-leste.
Iha Planu Estratéjiku Nasional Setor Saúde tinan 2011-2030, defini ona pilar prioridade importante hitu 7 maka sai prioridade. Pilar sira-ne’e kompostu husi 1) Sistema Nasional Saúde, 2) Prestasaun ha Kuidadus Servisu Saúde, 3) Rekursu Umanus ba Saúde, 4) Infraestrutura ba Saúde, 5) Servisu apoiu sira seluk, 6) Finansiamentu ba Saúde, no pilar da 7 mak Monitorizaun no Avaliasaun.
Parte ida husi prioridades 7 ne’e, ida maka Dezenvolvementu Programa Be’e Sancamentu ho ljine iha Fasilidade Kuidade Saúde.
Konba-ba numeru Fasilidade Kuidadu Saúde, nia informa, desde restaurasaun independénsia to’o tinan 2024, konstroi ona Fasilidade Kuidadu Saúde hamutuk 400 resin, komposu husi Ospitais, SSK, PS, Maternidade) ho kedas Bee, Saneamentu no Ijine.
Iha fatin hanesan, Representa UNICEF iha Timor-Leste, Bilal Aurang Zeb Durrani, informa, ema hotu iha komprimisiuatu asegura, katak, Saúde no bem-estar ba labarik no komunidade, bele realiza tomak ho sustentavel iha prestasaun servisu ba Saúde, Bee, Saneamento no Ijene.
“Hau kontenti tebes ba eventu workshop Bee, Saneamentu no Ijiene (BESI) iha Fasilidade Kuidadu Saúde sira (FKS), ne’ebe ita hotu hein kleur ona. Hau orgulhu hasoru malu ho parseiru sira hotu, ofisial sira ne’ebé reprezenta Governo, parte-interesada sira husi nivel nasional no munisipal sira,” nia esprea sentimentu.
Nia hatutan, setor Saude no BESI nudar setor dezenvolvimentu rua, ne’ebe boot. BESI iha FKS globalmente sai ona nudar sub-sector ne’ebe importante tebes.
Tamba, tuir Bilal Aurang Zeb Durrani. fasilidade BESI ne’ebe funsiona di’ak husi kada FKS, sei kontribu ba Objetivu Dezenvolvimentu Sustentavel (ODS 2), ne’ebe importante mak hanesan; Saúde no Bem-estar (ODS 3) no Bee mos no Saneamento (ODS 6).
Nia mos haksolok ho kolaborasaun entre Ministérioa Saúde (MdS) no Sekcretariu Estadu Elektrisidade, Agua no Sanemanto (SEAS).
Plataforma global kona-ba JMP (Joint Monitoring Program) monitoriza area lima iha FKS ida-idak iha nasaun hotu-hotu, infelismente, Timor-Leste laiha dadus atu relata. (*)
