Reportajen : Ynha Araujo
SAME (lifaupress) : Ministru Agrikultura Pekuaria Peskas no Floresta (MAPPF), Tersa – feira (16/4/2024)hamutuk ho autoridade Manufahi lansa kuda ia produtivu Masan oan (apel-Indo) hektare 2, ho total Masan oan hun 1,200 iha aldea Hatu Hei, Suku Rotutu, postu administrativu Same, Manufahi.
Ministtu Agrikultura Pekuaria peskas no florestas(MAPPF) Marcos Da Cruz hateten, lansamentu kuda Masan oan iha suku Rotutu, nuudar programa Ministeriu Agrikultura ,hodi aumenta produsaun ai – fuan iha rai laran.
Programa kuda Masan oan nee, nuudar pilotu ida iha suku Rotutu. Molok kuda ai Masan ne’e, halo uluk teste ba testur rai iha Suku Rotutu. Rezultadu hatudu, rai ne’e serve duni ba ai Masan fuan mean, tamba foho lolon no klima malirin.
Parte tekniku husi Ministeriu Agrikultira sei kontinua koko rai sira seluk, neebe serve hodi kontinua habelar ai masan iha munisipio Manufahi no Munisipio sira seluk.
Sekretaria Munisipal ne’ebe trata asunto Planeamentu investimentu integradu, Filomena Nunes, reprezenta autoridade Munisipio Manufahi agradese ba MAPPF, tanba oferese ona Masan oan, no kuda iha suku Rotutu,hodi hadia ekonomiano rendimentu agrikola.
Autoridade munisipal prontu koopera ho MAPPF no komunidade sira, halo sosializasaun ba komunidade sira,atu kuda Masan iha sira – nia kintal laran, hodi aumenta rendimentu familia iha futuru, no hadia familia-nia nutrisaun.
Entretantu to’os na’in, Antonio da Silva agradese ba MAPPF ne’ebe oferese ona Masan oan ba povu agrikultur sira. Antonio rekunhese foin primeira ves kuda Masan oan.
“Ami sujere ba MAPPF atu kontinua fornese Masan oan barakliu tan. Tanba numeru Masan ne’ebe agora kudan ne’e, uitoan liu,” nia dehan.
Marka prezensa iha lansamentu kuda Masan oan nee, Diretor Nacional no Municipal, autoridade komunitaria,sosiedade sivil no povu agrikultur sira. (*)
