Reportajen : Ynha Araujo
SAME (lifaupress) : Sekretariu Munisipal Trata Asunto Sosial Organizasaun Komunitaria – SMASOK, Munisipiu Manufahi, Aleixu de Deus, distribui formulariu visa familia foun hamutuk 15,000, ba Administrator Postu Admnitrativa sira, Tersa-feira (16/4/2024) , iha Salaun Autoridade MunisipiuManufahi.
Tuir mai, Administrator Postu Admnitrativa haat ne’ebe simu ona ormulariu viza familia foun kompostu husi Postu Administrativu Same, Alas, Turiscai no Fatuberliu, sei distribui ba Xefi Suku no Xefi Aldea sira.
. Sekretariu Munisipal ASOK, Aleixo De Deus hateten, Nono Governu produz logu foun nee, tau kedas iha formulariu laran, no sei la autoriza foto kopia fali formulariu original ne’e. Tanba atu priense familia kada uma kain, tenki uza duni formulariu fixa familia original no tenki kuidadu.
Aleixo de Deus husu ba Xefi Suku no Xefi Aldea sira, bainhira priense komunidade nia naran kada uma kain iha viza familia ne’e, presiza konfirma didi’ak ho Xefi Familia. Tanba iha kriteria balu la presisa atu priense, hanesan membru familia balu ne’ebe forma ona uma kain, la presiza priense ona iha viza familia inan- aman nian, inklui famila neebe mate ona.
Tamba liuhusi viza familia ne’e, mak Governu hatene loloos dadus uma kain no total populasaun iha teritoriuTimor – Leste.
Iha fatin hanesan, Diretor Servisu Munisipais Organizassun Naun Governamentais no Organizassun Komunitari, (SMONGOK), Vidal Dos Santos, esplika, total formulariu viza familia ne’ebe simu husi Ministeriu hamtuk pakote 15. Kada pakote iha formulariu 1,000 no total formulariu viza foun iha mak 15,665. Enquantu total uma kain iha munisipiu Manufahi ne’ebe rejistu ho total 15,665. (*)
