Reportajen: Selestinho Mani Falo
OE-CUSSE – (Lifaupress) : Presidente Autoridade Rejiaun Administrativu Espesial Oe-cusse Ambenu (PA-RAEOA) Rogério Tiago Lobato, Segunda-Feira (02/11/2024) distribuisaun nesesidade baziku ba voneravel postu administrativu Passabe, iha Merkado Passabe.
ENTREGA FOS: Presidente Autoridade Rejiaun Administrativu Espesial Oe-cusse Ambenu (PA-RAEOA) Rogério Tiago Lobato, Segunda-Feira (02/11/2024) entrega dos ba vulnerável sira iha Postu Administrativu Pasabe, RAEOA. Foto LP/ Selestina M Falo
“Ita mai lori nesesidade baziku naton deit atu apoiu netik ba voneravel hanesan, Fo’os saku 100 no sakola nia laran ami tau susu plastiku no hahan balun ba feto faluk, difisiente no ketuas-ferik neebe mak la’o labele”, dehan PA-RAEOA Rogério Tiago Lobatu ba nia dialogu iha Merkadu Passabe, suku Abani.
Nia haktuir, husu ba Xefe suku Abani no Malelat, halo kalkulasaun ba voneravel sira maski ho itoan maibe halo oinsa para sira hetan hotu.
Entretantu Xefe suku Abani, Carlos Elo, agradese ba Presidente Autoridade RAEOA ho ekipa tomak neebe ho fuan mai to’o ami nia knua fatin moris nian maske ho kondisaun dalan neebe mak aat, maibe konsegue to’o mai no lori ho nesesidade basiku naton.
“Hau apresia ho PA-RAEOA nia vizitasaun neebe lori nesesidade basiku maske naton tanba voneravel sira presiza tulun duni, maibe husu ba PA-RAEOA sei bele fó apoiu nesesidade basiku barak tan tanba iha hau nia suku rasik voneravel barak”, dehan Xefe suku Abani.
Nia haktuir, suku Abani voneravel hamutuk 1000 tal tanba kompostu husi aldeia 5 no sidauk inklina ba suku Malelat nian, tanba nee karik ita fahe mak voneravel balun mak lahetan depois sira dehan ita halo diskriminasaun ba malu maibe ho apoiumente mak lato’o.
“Hau sei ho xefe suku Malelat no xefe aldeia sira atu halo indentifikasaun loloos ba voneravel neebe mak lao labele duni mak sei hetan apoiumente husi PA-RAEOA”, nia dehan.
Distribuisaun apoiu nesesidade baziku ba voneravel sira iha postu admimistrativu Passabe hetan Partisipasaun husi, sekretariu rejional agrikultuta, Terras, Administrasaun PNTL no Amu Paroquia Passabe.
Tuir Observasaun jornalista www lifaupress.com katak ajenda ne’ebe Iha, Prezidente Autoridade RAEOA sei kontinua aktivitadade refere sei haleu hotu postu Administrativu 4 neebe mak destaka ona iha RAEOA . (*).
