Reportagen: Osterlia Muni
DILI (lifaupress) : Asosiasaun Jornalista Timor Loro-sa’e (AJTL) organiza treinamentu Jornalista foka ba Jornalizmu no Direitu Umanu. Treinamentu loron rua ( 6 – 7 Dezembru 2024) ne’e, partisipante husi jornalista feto sira hamutuk (20) iha Salaun Fokuperas Farol, Dili, Sesta no Sabdo.
Formador sira durante loron rua ne’e kompostu husi Rita Almeida (jornalista TATOLI), Ato Lekinawa Costa ( Neon Metin), Constancio Vieira (RTTL) no Alberico da Costa Junior (KI).
Liuhusi treinamentu ne’e, aumenta jornalista sira-nia konhesimentu no komprensaun, atu iha kapasidade intende konaba direitu Umanus hodi ajuda sira bainhira halo kobertura kona – ba avuzu sexual, Liberdade espresaun, Liberdade imprensa no hatene lei sira ne’ebe liga ho jornalizmu, inklui media dijital.
“Nee ajuda jornalista, kona-ba Kobertura jornalizmu impresivu, difisensia, relijiaun hodi hatudu historia ne’ebe la ses husi ema – nia direitu, “ Prezidenti AJTL, Zevonia Vieira esplika ba jornalista sira.
Formasaun ba jornalista sira grupu seksaun feto nee, nudar grupu datoluk. Formsaun seksaun primeru ba jornalista siira iha Radiu Komunidade no media online sira. “AJTL enkoraja membru sira, atu hasa’e sira – nia kualidade, kapasidade kona-ba perspetiva direitus Umanus principal, fundamental. Nune’e, ema hotu presiza komprende oinsa defende no halo protesaun,” nia dehan tan.
Nia temi, problema violensia domestika, avuzu sexual sai asunto sentitivu sira, ne’ebe hamosu injustisa.
“Bainhira Ita hakerek notisia ho kualidade, publiku orgulu. Ita – nia historia ne’ebe mak Ita produz, husi treinamentu, inspira ita atu sai matenek, sai jornalista ne’ebe kualidade,” Zevonia Vieira reafirma.
Tinan 2024, akontese kazu rua ne’ebe feto jornalista na’in 2 hetan tratamentu ladun di’ak huai autoridade sivil no seguransa, bainhira hala’o sira-nia knar iha fatin publiku, liuliu iha sidade Dili. (*)
FOTO HAMUTUK : Partisipante Treinamentu jornalismo Direito Umanu casai foto hamutuk durante formasaun iha Fokuper Dili, Sabaadu (7/12/2024. Foto LP/ Osterlia-AJTL
