Reportajen: Marcelo C Colo
OE-CUSSE (Lifaupress) : Autoridade Rejiaun Administratvia Espesial Oe-Cusse Ambeno (RAEOA) kontinua hadia estrada ki’ik sira iha aldeia sira ne’ebe lokaiiza iha sidade Oecusse.
Tuir observasaun jornalista www.lifaupress.com, Sabadu (07/12/2024), kontrasaun estarada iha Bairro Masin no Bairro Palaban, Aldea sanane, Suku Costa, Postu Atministrativa Pante Makasar, kompanhia ne’ebe fo fiar konstrui Estrada ne’e hahu hala’o ona servisu.
Durante ne’e, kondisaun estrada iha Bairo Palaban ne’ebe besik kedas ho Aeroportu Internasional Sandalo Oe-Cusse, ladun di’ak tanba seidauk uza alkatraun. Kondisaun ne’e difikuldade movimentu ema no transporte.
Servisu dahuluk ne’ebe kompanhia hala’o mak ateru Estrada iha area rua ne’e. Prosesu tuir mai, sei hadia mos barajen sorin karuk loos no ikusliu mak nahe alkatraun. Espera fulan hirak tuir mai bele remata.
Prezidenti Republika, Jose Ramos Horta iha vizita ba Oe-cusse, Segunda_feira ( 09/12/22024) hodi halo aberturasaun kompetisaun halai kuda espresa sentiment orgullu ho prosesu konstrusaun estrada iha Oe-cusse ne’ebe la para.
Entretantu Prezidente Autoridade RAEOA, Rogerio Tiago Lobato haktuir, Oecusse sempre la’o ka hakat ho pasu ne’ebe kiik, hodi atinji mehi boot, ne’ebe ho dalen Portugues dehan “As grandes caminadas comesa sempre com pequeno pasu”.
“ Ita atu la’o do’ok, ita sempre hahu hakat ho espasu ne’ebé kiik. Husi espasu kiik ida mak agora dadauk ita forma,” Prezidenti Autoridade RAEOA, Rogerio Tiago Lobato dehan.
Atualmente, sidade Oe-cusse nuudar kapital RAEOA kunhesidu ho sidade moos, estrada ne’ebe kualidade ho nia ordenamentu kapas atria tebes vizitante sira, local, nasional no internasional.
(*)
