Reportajen: Anagracia
DILI (Lifaupress): OXFAM Timor-Leste servisu hamutuk ho Asosiasaun Jornalista Timor-Leste (AJTL ) realiza Media Tour, hodi halo asaun ba justisa klimatika ho nia tema hametin Media no jornalista nia papel hodi halo kampanha no advokasia ba justisa klimatika.
Molok viajen Media Tour iha Postu Administrativu Lore, Munisipiu Lautem, halo ulk konferensia imprensa iha edifisiu OXFAM Hudi Laran,Dili.
Strategy and Engagement Lead Oxfam in Timor-Leste, Adilsonio da Costa Junior hateten, Media Tour ne’ebe halao husi Asosiasaun jornalista Timor-Leste – AJTLservisu hamutuk Oxfam, hanaran asaun ba justisa klimatika.
Liuhusi programa ne’e, AJTL nu’udar parseiru estratejiku ida atu kontinua halo kobertura kona – ba asunto mudansa klimatika nia impaktu ba komunidade, liuliu ba ema buneravel feto ho ema difesensia sira.
KONFERENSIA IMPRERNSA : Molok frealiza Media Tour, AJTL no OXFAM Hala’o Konferensia imprensa hamutuk iha edifisiu Oxfam Timor-leste, hadi laran, Dili. Foto Dok
” Molok halo Media Tour, Oxfam servisu hamutuk ho AJTL organiza treinamentu,konvida mos NGO La’o Hamutuk, fahe oituan esperesia no informasaun liga ba Mudansa Klimatika,”Adilsonio informa liu husi konferensia imprensa iha edifisiuOxfam Timor-Leste, Hudi Laran, Dili, foin dadaun.
Treinamentu loron primeiru, konvida PERMATIL no KEJUSS hanesan grupu movimentu husi sagadati, ne’ebe durante halao servisu ba konservasaun Bee iha Postu admenistrativu Laga, hodi loke jornalista sira – nia hanoin, hodi dezimina no kobertura kona – ba kee debu, hodi konserva bee. Ba loron segundu, ekipa jornalista sira prepara TOR kobertura, molok Media Tour.
Atividade Media Tour la’o durante Loron rua iha Munisipiu Lautem, Postu Administrativu Lore. Durante estajia, jornalista sira halo kobertura kona – ba asunto oinoin, ne’ebe deskuti ona iha loron rua anates, liga ho agrikultura, infrastrutura estrada,. produsaun agrikola no asunto ambiental.
“Ami espera programa Media Tour ne’e la’o di’ak, hetan informasaun naton hodi sai evidensia, no kontinua informa ba Governu hodi hatene politika no orasamentu liga ba Mudansa Klimatika, liuliuii ba komunidade nia moris iha area rural,”nia espresa. Kooperasaun Oxfam ho AJTL, hala’o ona desde tinan rua liuba.
” Antes iha programa Media Tour halo media Tour hala’o iha Oe-Cussi, Baucau no Ermera. Deside hili arae sira ne’e, tanba kobertura ba Media iha area remotas durante ne’e susar tebes,” Adilsonio dehan.
Nia mos dehan, impaktu husi Mudansa klimatika mak estrada sira sai aat liu tan.Tinan rua ba kotuk, estudante na’in rua husi Lore, lakon sira-nia vida bainhira kareta baku fila, durante viajem fila ba uma. Komunidade barak labele lori produtu ba fa’an iha merkadu, hasoru difikuldade ba sentru Saude no feto tenke lakon nia vida tanba problema estrada.
Iha fatin hanesan, Prezidenti AJTL, Jevonia Lesteira Fernandes apresia tebes kolaborasaun servisu ho Oxfam iha Timor Leste, tanba organizasaun ne’e halo advokasia ba asuntu mudansa Klimatika no oinsa mak halo advokasia ba justisa klimatika.
“AJTL kontinua fo espasu ba nia membru sira, hakerek barakliu konaba kibit laek sira-nia lian, ne’ebe sente impaktu husi Mudansa Klimatika, injustisa akontese ba sira ne’ebe moris nuudar to’os na’in. Feto buneravel, ema difesensia sira no ferik katuas ne’ebe mak hetan inpaktu bo’ot husi krize Mudansa Klimatika,” Prezidente AJTL afirma.
Lider AJTL ne’e mos koragen ba membru sira, hili alvu kobertura ba kibit laek sira,atu ajuda Governu tau importansia ba problema mudansa klimatika no prioritizejustisa klimatika.
“ Hadia estrada sira aat, hapara ema ne’ebe tesi ai arbiru, bele sai objetu kobertura. Jornalista sira tenki sensivel ba asuntu sira ne’e,” Zevonia hateten.
Media Tour 2024 husi AJTL ba dahuluk, lansa liuhusi projetu Oxfam apoiu husi Hongkong sei ba Munisipiu Lautem, Postu Administrativu Lore, atu kobre asuntu sira ne’ebe durante ne’e jornalista sira sidauk halo kobertura ba problema asessu bee – moos, estrada no setor produtivu sira.
Iha programa Media Tour ne’e, involve jornalista husi Plataforma Media online 11, TV (2), radiu (3) no jornal 3. Jornalista feto nain 8, mane nain 7, Sekretariu jeral AJTL, Cameraman AJTL, Responsabilizadora administrasaun no finansas AJTL,inklui motorista nain 2.. (*)
