Reportajen: Osterlia Muni/Maria feno colo
DILI – (Lifaupress): Ministru Komersiu no Indústria (MCI), Nino Pereira apresiza Kompanhia Asarini, tanba maske produz ho volume ki’ik. konsege respeonde ona nesesidae kliente sira.
Kompanhia Asarini, ne’ebe resjitadu ona iha SERVE, nudar kompanhia ida ne’ebe halo servisu area hadia kadeira sofa, lokaliza iha area Ponte Comoro (CPLP) sorin, Dili.
Loron Sesta – feira, (04/04/2025) semana kotuk, hetan sorti di’ak tanba vizita direta husi Ministru Komersiu no Industria, Nino Pereira ho komitiva.. Vizita ida-ne’e signifikante tebes, tanba fanu aas tan jester kompanhia no servisu na’in sira, atu firmi atende publiku no kontinua produz hetan hetan fiar husi publiku.
“ Maske ki’ik, importante ezisti ho konsistenti no konsege atende ona nesesidae publiku. Importante ita bele hamosu empregador sira hanesan nee. Sira hahu negosiu ho eskalaun ki’ik, maibe servisu la’o di’ak, no dependen mos ba kliente sira,” Minisru Nino Pereira hateten.
Prezensa ministru hodi halo site visit ba kompanhia ne’e, atu iha sertiza katak kompanhia ne’e la’o nafatin. Prioridade ida husi politika nasional Nuno Governu Konstitusional mak promove no hakbi’it setor privadu liliu empreza mikro negosiu,
Durante ne’e, tuir ministru Nino Pereira, mikro negosiu no media, hala’o ona atividade lubuk oioin hodi kontribui ba dezenvolvimentu ekonomia iha nasaun ne’e.
Joven sira, presiza involve iha atividade produtivu sira hanesan ne’e, liga ba oportunidade negosio ho partisipa formasaun oioin. Ho abilidade ne’e hetan husi formasaun empregu ka negosiu, bele aproveita kria empregu ba sira-nia aan, ho kria negosiu ba sira -nia ann hodi promove mos espiritu emprendorizmu.
Kompanhia Asarini iha planu, ba future sei aumenta tan kuantidade no kualidade produsaun. “ Kompanhia sei sai boot, no Givernu sai parseiru
ho setor privadu, atu buka dalan ba dizamina informasaun atu promove \ produtu liuhusi dalan kreativu.
Maske hasoru difikuldade minimu rekursu umanu, kondisaun servisu, material la sufisiente no minimu kunhesimentu jestaun administrasaun, finansa, kompanhia ne’e firme atu ezisti nafatin.
“Kunhesimentu jestaun finansa importante, atu bele sustena atividade kompanhia no kualidade produsaun. Nune’e, bele kompete ho empregu ki’ik sira seluk ne’ebe halo atividade hanesan.
Kompanhia Asarini nia atividade mak foru kareta nia plafom, kadeira sira no sofa sira. “ Tenki korajen nafatin. Timoroan sira mos iha abilidade kona-ba suku sofa. Ne’e ita tenke promove nafatin,” nia dehan tan.
Ministru Nino mos promote sei apoia orsamentu, ekipamentu, espasu ba eventu lokal iha municipio no Nasional. “ Governu hakarak fo oportunidade barakliu tan ba joven Timoroan ho idade produtivu atu hanoin vida negosiu atu hadia moris,” Ministru Nino reafirma.
Entretantu na’in ba kompania Asarini, Julio Marques sentuorgullu tebes ba vizita husi Ministru Komersiu no Indistria. “ Ami hasoru difikuldade ba materia. Kuandu sasan tama husi rai seluk, hanesan hena, esponja iha loja sira maka ami bele sosa. Ami rasik la iha osan boot, atu importante sasan husi rai liur,” Julio Marques dehan.
Nia mos informa, dalaruma kliente sira la fiar kompanhia no trata ho liafuan ladun di’ak, tanba la satifas ho atendimentu ba kliente sira.
Nia mos husu ba joven sira atu utiliza abilidade ne’ebe iha, kria negosiu baa an no mos ajuda sira seluk. Labele depende de’it ba Governu. “ Di’akliu ita hahu buat ki’ik ida mak husu Givernu ajuda,” nia dehan tan. (*)
