DILI (lifaupress) : Midia Komunikasaun Sosial tenki iha indepensia editorial iha nia prosesu no mekanizmu servisu produsaun notisia lorloron. Nune’e, jestor sala redasaun sira, presiza iha kontrolu rigor.
“ Labele iha intervensaun iha sala redasaun husi ema riku, poder politiku no media na’in sira,” Sekretariu Komunikasaun Sosial, Expedito Loro Dias Ximenes hato’o ida – ne’e durante programa televizivu iha studiu TV Streaming Independenti, Dili, Kuarta-feira (01/05/2024).
Programa ne’e mos partisipa husi Prevedor Direitu Umanu, Virgilio da Silva Guterres, no Prezidenti Konsellu Imprensa, Otelio Ote, nudar parte programa ida hodi selebra loron mundial Liberdade imprensa.
Tuir Sekretariu Estadu Komunikasaun Sosial, Expedito Diaz Ximenes, midia nuudar pilar importante iha prosesu dezenvolvimentu nasional. Tanba ne’e, presiza hala’o nia knar ho independenti, durante hala’o papel informa, eduka, kontrola no diverte.’
Nono Governu Konstitusional, tuir eis membru Konsellu Imprensa ne’e, kontinua granatia Liberdade imprensa, bazeia ba artigu 40 no 41 Konstituisuan RDTL, ne’ebe ko’alia kona-ba liderdade esprensa, opiniaun no Liberdade imprensa.
“ Maske Governu ajuda midia sira liuhusi distribui jornal no forma publisidade, Governu la alergia ba Kritika no kontrolu sosial. Maibe, liderdade imprensa ne’e tenki mos iha resposabilidade. Publika notisia tenki bazea ba informasaun no dadus loloos. Nune’e, bele responsabiliza saida maki ta publika,” nia dehan tan.
Entretantu, Provedor Direitus Umanu, Virgilio da Silva Guterres reafirma, Liberdade atu koa’lia nuudar direitu fundamental ne’ebe garantidu iha Konstitusisaun RDTL. “ Liberdade atu koalia, espresa hanoin tenki sai duni direitu ema idakidak nian nuudar sidadaun. Konstitusisuan RDTL garantia ida ne’e,” Provedor Virgilio Da Silva Guterres hateten. (*)
