Reportajen Celcia Magno
Venilale (lifaupress) : Autoridade lokal liuhusi Funsionariu Postu Administrativu Venilale, Baucau sujere ba Nonu Governu atu aumenta edifisiu hodi iha espasu servisu sufisienti ba funsionariu sira, tuir area idaidak.
Durante ne’e, Postu Administrativu Venilale utiliza de’it edifisiu ida. Afinal, atualmente funsiunariu husi area tolu mak Agrikultura, Floresta no Peskas uza hamutuk Sala Ida ho medidas 3×4 metro kuadradu. Kondisaun ne’e, la seguru hala’o servisu tanba kondisaun espasu servisu la saudavel.
Funsionariu Postu Administrativu Venilale Guido Guterres deklara ida ne’e hafoin kuda ai oan iha area Caicoli Aldeia KaihurLale, Suku Uai-laha, Venilale Sesta-feira (03/05/2024) tuku 12:40 OTL .
Hatan ba asuntu ne’e, Sekretariu Estadu Floresta, Florentino Vieira Da Costa promote, sei konstrui edifisiu foun ba funsionariu sira.
Aliende ne’e, husu mos atensaun ba problema komunidade na’ok ai-kameli iha Venilale, no prosesu tuir lei haruka.
Kazu na’ok Ai – kameli hatama ona ba Ministeriu Publiku, maibe to’o oras – ne’e seidauk iha solusaun. (*)
