DILI (lifaupress) : Meius Komunikasaun Sosial 47 rejistadu iha Konsellu Imprensa (KI) Timor-leste. Numeru meius komunikasaun sosial ne’e , bazeia ba dadus to’o fulan Abril 2024.
Entretantu jornalista ativu sira ne’ebe ativu no hetan ona karteira profisional (Karprof) jornalista hamutuk 321, husi total atribuisaun karteira profisional ba jornalista 405 iha teritoriu tomak.
Tuir dadus ofisial ne’ebe www.lifaupress.com asesu, husi Meius Komunikasaun Sosial 47 ne’e, midia imprimi iha 4, Televisazaun (4), Radiu (4) no midia online notisia (21). Alemde ne’e, iha mos karteira profisional 84 mak pendenti tanba ema ne’ebe simu katteira profisional jornalista nee, la hala’o ona knaar nuudar jornalista.
Entretantu jornalista ativu na’in 321 ne’ebe hetan ona arteira profisional ne’e, kompostu husi feto 113 no mane 208.
“ Atu rejista meius komunikasaun social ba Konsellu Imprensa presiza prienxe kriteria sira. Ezemplu, orgaun ne’e tenki rejistu iha legalidade estatutu iha Miniseriu Justisa, rejista iha Server no ANC ba midia eletronika,” Prezidenti Konsellu Imprensa, Otelio Ote esplika.
Entretantu, atu hetan karteira profisional jornalista, presiza liuhusi prosesu estajiu tempu fulan 18 ba formadu Ensinu Sekundaria, fulan 12 ba lisensiadu la’os husi dixiplina siensia komunikasaun sosial, fulan 6 ba lisensiadu husi dixiplina siensia komunikasaun social, tuir kolokiu no ikus partisipa no tenki tuir teste kompetensia jornalista. (*)
