Reportagem: Everalda da C. D Maia
DÍLI (Lifau press): Autoridade Protesaun Sivil (APC) Liu husi Gabinete relasaum externa no komunikasaun (GREK-APC) informa, durante semana ikus fulan Abril, rejsta xefi família 27 mak sai vítima husi dezastre naturais ne’ebe mak lá hanesan.
Hahu iha loron 22-29 Abril 2024, maske normal maibe akontese tipu desastre mak CNOPC 27 mak hetan estragus no mate na’in ida.
Iha Munisípiu Baucau anin sobu uma 1, Bobonaro (anin sobu uma 2), Cova-lima(anin sobu uma 1), Lautem (ahi han uma 1), Manatuto (anin sobu uma 5), Manufahi (Be’e sa’e 14), Vikeke (anin sobu uma 3 no mate na’in 1),” porta-voz Nélson Nunes Orléans informa ba Jornalista sirá iha salaun APC Caicoli Díli, Segunda-feira (29/04/2024).
Aleinde ida ne’e, nia mos dehan, municipio balun sei hasoru difikuldade transporte. Tanba ne’e, iha future presiza aumenta transporte hodi fasilita lalais mobilizasaun ekipa konjuta ba fatin akontesimentu hodi ajuda vitima sira, no hodi levantamentu dadus no tula material FI & NFI ba família afetadus sira iha suku no aldeia.
“ Neste momento, ami husi APC halo kedas evaluasaun ba vítima sira no ajuda kedas ho sasan emerjênsia bavitima dezastre naturais sira,” nia dehan tan.
Desde Janeiru to’o 29 Abril 2024, APC halo ona preparasaun ba vítima dezastre hamutuk 309 no ezekuta ba sefi família iha munisipiu 4 komposu husi munisipiun Ainaro, Manufahi, Lautem no munisipiu Ermera. (*)
