Reportajen : Zelia
DILI (lifaupress): Komunidade Midia iha mundu, selebra loron mundial liberdade imprensa tinan 2024, Sesta-feira (3 Maiu 2024), ho tema “Hametin Jornalizmu Ambiental”.
Iha Timor-leste, estudante Depatementu Komunikasaun Sosial, Fakuldade Siensia Sosiais, Universidade Nasional Timor-lorosa’e (UNTL) mos selebra liuhusi forma Long March no fo omenajen ba rate husi jornalista matebian Max Stahl iha rate iha antigu Simeteriu Santa Cruz, Dili.
Tuir Diretor Departamento Komunikasaun Sosia UNTL, l Roberto da Costa Pacheco hateten, long march ida ne’e, realzia hodi relembra fila – fali matebian Max Stall nudar jornalista ida ne’ebe kontribui dizamina informasaun ba mundu liuliu filmajen masakre 12 Novembru 1991.
” Ohin ami komemora loron Liberdade Imprensa, ho ksolok. Ami hili Santa Cruznuudar fatin destinasaun long March, tanba Santa Cruz mak fatin ne’ebe akontese buat barak ba ita – nia espresaun liberdade. Max Stahl ne’ebe halo filmajen Masakre 12 Novembru 1911 iha Santa Cruz, no nia isin mate mos hakoi iha ne’e. Nia filmajen espalla iha mundu, to’o ita hetan duni Liberdade,” Roberto da Costa Pacheco esplika ida-ne’e iha Simiteriu Santa Cruz, Dili, Sesta (3/05/2024).
Iha sorin seluk, Abrão do Rosario husi Komisaun Organizadora marsa ne’e realiza hodi introduz ba komunidade kona-ba imprensa husi loron mundial Liberdade imprensa no importansia husi Liberdade imprensa iha Timor-leste.
“Liuhusi marsa ne’e, estudante Komunikasaun Sosial sira iha unidade, no hatudu ba sosiedade tomak kona-na jornalizmu no importansia husi liberdade imprensa,” nia hatutan. (*)
FOTO HAMUTUK : Estudante Departementu Komunikasaun Sosial, Fakuldade Siensia Sosiais, UNTL, masai foto hamutuk iha selebrasaun loron mundial Liberdade Imprensa, Sestsa – feira (3/05/2024). Foto : Zelia
