Reportagen: Osterlia Muni
DILI- (Lifaupress): Vise Ministru Administrasaun Estatal (MAE), Jacinto Rigoberto Gomes de Deus hateten, alinadu politika husi Nuno Governu Konstituisional reforsa planu dezenvolvimentu komunitario, nu’udar kumprimisiu ida atu aselera prosesu desentralizasaun no fortelesimentu poder lokal.
“Ita hakarak promove governasaun ida ne’ebe efikas, alinhadu ho nesensidade no karakteristika sira husi munisipiu idak-idak, haforsa partisipasaun sivika no responsabilidade lokal, “ Vise Ministru Administrasaun Estatal, Jacinto Riboerto hatete idan ne’e iha salaun Hotel Timor, Segunda – Feira (21/07/2025) durante preparasaun inisiu prosesu ba elaborasaun no aprovasaun planu dezenvolvimentu komunitáriu suku ida-idak.
Atividade ne’e realiza husi Diresaun Nasionál Apoiu Dezenvolvimentu Komunitáriu iha Sekretaria Estadu Dezenvolvimentu Lokál (SEDL), Ministeriu Administrasaun Estatal (MAE).
Nia hateten, estabelesimentu npoder lokal sei muda pasu importante ida iha prosesu atu garante politika publika sira, responde ho forma direitu liu ba ejistensia lokal.
“Objetivu Dezenvolvimentu atu lori servisu ho desizaun ba autoridade sira, aumenta defisensia no transperensia husi prespetiva kna’ar Xefi Suku, importante tebes ba jestaun lokal nu’udar liagasaun entre komunidade ho autoridade governamentario sira, “ Vise Ministru Administrasaun Estatal dehan tan.
Xefi Suku nia lideransa, tuir Jacinto Rigoberto, influensia tebes prosesu dezenvolvimentu lokal nu’udar Lei Numero: 9/2016, iha artigo 23, kona-ba kompetensia Xefi Suku sira mak elabora no prepara no implementa plano dezenvolvimentu komunitariu alinadu ho politika Governu sentral, liuliu atu haforsa komunidade iha dezenvolvimentu ekuitativu no sustentabel.
Desentralizasaun no artikulasaun ho orgaun sira ka poder lokal importante tebes, atu asegura implementasaun efetivu ba prioridade ne’ebe estabelece ona no promove futuru prosperu Liu ba komunidade hotu, nia dehan tan.
Entretantu, Sekretariu Estadu Dezenvolvimentu Lokal, Mateus W. do Santos hateten, dokumentus estratejika sei ajuda komunidade sira alinha politika Governu ba dezenvolvimentu planu estratejiku. “ Dokumentus ne’e, ita hare liu ba planu estratejiku iha nivel suku,” nia dehan.
Governu mos sei rekolla informasaun gotu kona-ba potensia investimentu iha suku sira, nune’e iha futuru suku sira bele jere hodi ajuda governu no linha ministerial sira ne’ebe implementa programa iha suku.
“Dokumentu estratejiku no operasional sei indentifika propriedade sira no oinsa ita-nia lider komunitariu implenta. Tanba bazeia ba artigo 12 Lei Numeru 9, mensiona Xefi Suku sira tenki iha planu rasik ba dezenvolvimentu komentariu.
“Ba oin, nafatin fo asistensia ba diskusaun iha Konsellu Suku, oinsa diverasaun propriedade iha suku sira ne’e,” Sekretariu Estuadu Dezenvolvimentu Lokal, Mateus W. do Santos esplika. (*)
