Reportage : Anagracia, Natalia, Eva
DILI (lifaupress.com): Loron Restausaun da Idepedensia besik dadauk, sidadaun sira hahu ona dada Bandeira Nasional iha uma oin, hodi refleta loron 20 Maio 2002, nuudar loron Restaurasaun Independensia.
Aproveita ambiente selebrasaun tinan 22, Restaurasaun Independensia (20 Maiu 2000 – 20 Maiu 2024), ema bo’ot no ki’ik halo negosiu bendera Timor-leste iha estrada ninin ho medida boot no ki’ik. Ba medida ki’ik fa’an ho folin $ 0,50 centavus no bo’ot $5.
FA’AN BENDERA: Negosiante sira, ne’ebe maioria labarik sira fana hela Bendera Timor-leste ba publiku hodi Selebrante aniversariu Restaurasaun Independensia ba dala 22. Foto/LP
Liticia de Araujo, vendedor, ba jornalista www.liafaupress.com hateten, desizaun atu halo negosiu ne’e, tanba la kohi depende ba inan-aman. “ Ha’u banate tuir maluk sira, buka moris iha dalan ninin,” Leticia dehan.
Bendera sira ne’ebe Leticia fa’an hetan ajuda husi nia inan-aman rasik. “ Ha’u fa’an rasik bendera sira ne’e iha dalan públiku, atu hetan sentavus ruma husi ha’u – nia kosar wen, atu selu eskola, kada fulan $30,” nia reafirma tan.
Leticia iha duni razaun. “ Ha’u labele depende de’it ba Mapa no Mama. Tamba nesesidade ami na’in hitu iha uma no eskola barak. Apa-ama nia salariu kada fulan ne’e la to’o,” Leticia dehan tan.
Leticia de Araujo tasik atualmente tur iha banku Terseiru siklu klase 7° Eskola Fundasaun Cristal. Leticia husi Munisipiu Ainaro, Postu Administrativu Maubessi. Dadaun hela iha Mataduru, postu Administrativu Nain Feto, Dili.
Kada loron, nia fa’an $5 nian. “ Hau fa’an bandeira medida kiik entaun 1 $0,50. Ohin ha’u eskola sai mak mai fa’an oras 2 hanesan ne’e, ema sosa ona $1,50,” nia dehan tan. (*)
