Reportajen : Celcia Magno
VENILALE (lifaupress) : Komunidade Osso aque, Postu Administrativu Venilale, halerik ba kondisaun Estrada kontinua aat, tanba konstrusaun la remata ho di’ak.
ESTRADA AAT--Kondisaun estrada aat ne’ebe liga Kapital Venilae ba to’o aldeia Osso aque, Builale no Waimori iha Postu Administrativu Ossu, munsipiu Vikeke. Foto Lp/Celcia M.
Iha tinan 2014, kompanhia RUBI ba halo konstrusaun estrada iha area ne’eba, husi Venilale ba Osso aque Builale no Waimori ho distansia kilometru 9, ne’ebe seidauk finaliza tanba paradu tinan tolu ona.
Estrada ne’e, liga Postu Administrativu Venilale ho to’o aldeia Osso aque, Builale no Waimori iha Postu Administrativu Ossu, munsipiu Vikeke.
Cesaltino De Castro, Xefe Juventude Ossoaque, Venilale
Cesaltino De Castro, nuudar Xefe Juventude Ossoaque inform, ida – ne’e ba Jornalista online lwww.lifaupress.com iha bairu Tres irmaos, Aldeia Osoaque suku Fatulia, Postu Administrativu Venilale, munisipiu Baucau, Tersa-feira (23/04/2024) tuku 12:30 OTL
Nia esplika, Kompanhia RUBI servisu Tinan 10 resin ona,no Taka hotu valeta sira ne’ebe antes kompanhia STJ halo ona , Ikus mai udan boot akontese , rai halai iha fatin ne’e iha tinan hirak liuba.
Ekipamentus pezadu hanesan Eskapator abandona hela iha dalan ninin. Seidauk area rai halai, noa seiduak hadia valeta ba bee- dalan no estrada.
” Populasaun sira ta’uk ho area Loigere , tanba sente perigu ba vida. Ami ta’uk halo movimentu ho transporte publiku, bainhira halo negosiu. Tanba estrada la seguru, ” Cesaltino dehan. Populasaun sira husu ba Governu, atu rezolve problema Estrada aat.
Ba asuntu ne’e, Jornalista online www.lifaupress.com tenta entrevista Xefe Aldeia Osso aque, maibe la iha fatin tanba okupadu servisu iha fatin seluk. (*)
