MAUBISE (lifaupress): Konsellu Imprensa (KI) Timor-leste, hala’o rettiru annual 2024, Segunda ( 16/12) iha Maubise, Postu Administrativu Maubise, munisipiu Ainaro .
RETIRU ANUAL 2024: Prezidenti Konsellu Imprensa, Otelio Ote (uza kazak), Konselleira Isabel Maria Fernandes (klaran) no Konselleru Benevides Barros (faru mutin riska), partisipa retiru anual 2024, Segunda (16/12/2024) iha Salaun Losme SARA, Maubise, Ainaro. Foto Lifaupress/ LP1
Retiru annual ne’ebe sei remata iha Kuarta – feira (18/13) ne’e, partisipa direta husi Prezidenti Konsellu Imprensa, Otelio Ote, konselleru Benevides Barros, Mito Araujo no Isabel Fernandes, Diretor Ezekutivu, Antonio Dias, Diretor Diresaun sira no funsiunariu sira.
Objetivu husi retiru Annual nee, atu halo evaluasaun ba progresu, problema, dezafiu no rona sujestaun sira ba ezekusaun programa sira iha tinan 2025. “ Nee opurtunidade ba membru Konsellu Imprensa no ezekutivu, atu rona direta aprezentasaun progesu servisu husi Diresaun sira, halo diskusaun nakloke no rona sujestaun husi ema hotu, hodi hametin tan preparasaun ba tinan 2025,” Difretor Ezekutgivu, Antonio Dias hateten.
Nia esplika, retiru annual nuudar atividade annual rutina husi Konsellu Imprensa, hodi hamutuk nudar familia boot, ko’alia nakloke ba malu, kona – ba atinjimentu servisu, rona mos Kritika no sujestaun, atu nune’e bele hadia servisu di’akliu tan iha futuru.
Konsellu Imprensa nuudar instituisaun estadu no Organun Regulador Komunikasaun social, iha kumprimisiu atu hala’o nia mandate, bazeia ba kompetensia sira ne’ebe atribui iha Lei Komunikasaun Sosial Nu 5/2014.
Entretantu Prezidenti Konsellu Imprensa, Otelio Ote iha serimonia abertura retiru annual ne’e, husu ba ezekutivu sira atu uza opurtunidade ne’e, rona sujestaun husi ema hotu, hodi hadia buat ne’ebe mak naksalak iha tinan 2024, hodi hadia iha tinan 2025 no hametin servisu sira ne’ebe durante tinan ida nia laran atinji ona nia progresu.
“ Planu di’ak, ezekuasaun no monitorizaun di’ak, sai xave ba susesu iha instituisaun ne’e. Nune’e, presiza kontinua hametin servisu ekipa, konsentra ba planu annual sira ne’ebe trasa tia ona hodi atinji ezekusaun ne’ebe di’ak mos,” Otelio hateten. (*)
