Reportajen Celcia Magno
VENILALE(Lifaupress)Organizasaun Rezistensia Sagrada Familia (ORSF) kontinua hametin no halibur membru sira hotu, atu harii no kria estrutura iha baze, hodi hatudu dalan ba jerasaun foun sira kona – ba luta ukun rasik an.
Iha loron Sabadu, 14 Dezembru 2024 tuku 10 dader OTL, Organizasaun Rezistensia Sagrada Familiahametin baze iha aldeia Uai-Ae, suku Uai-Oli, Postu Administrativu Venilale, munisipiu Baucau.
Partisipa direta iha seromonia ne’e, Prezidente Ezekutivu Nasional ORSF Manuel Ximenes”Besi”, Sekretariu Jeral ORSF Tadeu Sebastiao”Deus”, Koordenador Organizasaun Rezistensia Sagrada Familia munisipiu Baucau ALbino Sakoko, Veteranus Marcal Da Silva “Bessa Uai-Kia ,Xefe Suku Uai-Oli Doadvend Da Cruz Ximenes, OPS Uai-Oli Juliao Guterres ,no membru sagrada Familia husi Suku Uai-Oli ,Uatu-Haco,no husi Munisipiu Vikeke Ossu Samarogo balun.
Organizasaun Rezistensia Sagrada Familia ho nia moto “Hametin ho Diginifika Sagrada” ho objetivu atu hatutan historia barak husi luta ukun aan. Nune’e, kria buat ruma ba jerasaun foun sira. Tanba ki’ak no mukit sai traidor no inimigu boot ba ema hotu.
Antes atu hahu soromutu ne’e, hahu uluk ho tara tais husi Xefe Suku Uai-Oli, Doadvend Da Cruz Ximenes, kanta Hino “ Patria, Patria” tuir kedas um minutu de Silensio no kumprimenta kaer liman.
Prezidente Exekutivu Nasional ORSF , Manuel Ximenes”Besi iha nia diskursu hateten, konsolidasaun sagrada Familia ne’ebe rejistu iha tempu funu no to’o ohin loron, sai mos parseiru ho Governu Timor-Leste ,no forma estrutura iha nivel nasional . Munisipiu sira ne’ebe seidauk estabelese estrutura, kompostu husi munsipiu Aileu, Lospalos, Ermera no Rejiaun Administrativu Espesial Oekusse Ambeno (RAEOA) .
“Ba munisipiu ne’ebe estabelese ona ,sei envolve iha Governu. Kaixa hotu presiza obedese hodi inklina an iha Organizasaun Rezistensia Sagrada Familia atu dezenvole aan. Tanba liuhusi ida – ne’e, ita ukun rasik an, ” Prezidente Exekutivu ORSF “Besi dehan.”
Aliende ne’e, Kordenador Organizasaun Rezistensia Sagrada Familia Munisipiu Baucau, Albino Sakoko informa ba membru Organizasaun sagrada familia liuhusi kaixa zebra , Leao no jevuntude sira hotu, ORSF hakarak hamanas liu tan ukun rasik aan iha suku Uai-Oli, tanba fatin ne’e firmi no dixiplina ba iha sagrada familia.
Entretantu Sekretariu Estadu ORSF, Tadeu Sebastiao”Deus hateten, organizasaun hotu-hotu presiza hamutuk sai ema ida deit ba luta ukun rasik aan, atu lori rai ne ba oin no moris diak. Tanba povu barak mak sei iha mukit no ki’ak.
Xefe Suku Uai-Oli, Doadvend Da Cruz Xiemenes hateten istroria moruk ne’e hotu la akontese derepente maibe husi ema rihin ba rihun rai hela istoria ba jerasaun foun sira atu prosesu luta ida ne’e tsnha to’o,ohin loron Timor-Leste demokrasia ona maibe sei moris iha susar no terus nia laran precisa kria kondisaun diak ba jerasaun foun sira loke dalan ba juventude sira atu moris ho diak.
Iha parte seluk, Sekretariu Kaixa Zebra Leao 1, Suku Uai-Oli, Adolfino Jose Varela hateten, liuhusi sorumutu ne’e hametin no dignifika sagrada Familia, hanoin hikas luta tempu uluk. “ Iha oportunidade ida ne’e, bele halibur membru sira hotu. Tanba to’o ohin loron fahe malu namkari iha fatin hotu,” nia dehan tan.
Iha Suku Uai-Oli, luta hasoru inimgu iha ideologia politika estabelese ona sub kaixa hamutuk 12 mak kaixa iha area Zebra Leao1, kaixa jeral hari husi veteranus Marcal Da Silva Besa Uaikia no iha sambere Uai -Oli, sub kaixa oan ki’ak suku Uatu-Haco, Sub kaixa Leki Oso , moris susar, rai hun , luar suku vizinhu venilale monta pombu resposabilidade sagrada familia , Uaidau kia iha Venilale jasoru malu iha fatin ne’ebe deit,Frente makmuk Uai laha, sub kaixa organizasaun hali lulik Uabubu , kodek Ht Samarogo no Leao 2 iha Venilale. (*)
