Reportajen: Selestinho Mani Falo
DILI (Lifaupress) Universidade Nasional Timor Lorosa’e (UNTL) Fakukdade Edukasaun Arte no Umanidade (FEAH) Departamentu Ensinu Lingua Inglesa liu husi Sentru Lingua Inglesa (ILC-sigla Inglesa), Tersa-Feira (25/06/2024), halo atividade feira karreira dahuluk ba tinan 2024 iha kampus Liceu, atu kompleta estudante sira nia koñesimentu oinsa aplai servisu.
Kompaña sira – ne’e mak, Heniken, Dili development company, Lda (Timor Plaza) Timorgap, Care, Caltech, Simile, Kaebauk, Marie Stopes, Australia Awards Scholarship, Education USA, even2U, Academic women Entrepreneur, G7+, UNDP, JSMP, Abundant Water, Palm International, Bank BRI, no Xanana Gosmão riding room.
Diretora ILC, Belina do Rosario Maia ba jornalista sira iha sala ILC, UNTL, Liceu, Dili, hateten, atividade ne’e realiza husi Departmentu Ensinu Lingua Inglesa liu husi sentru lingua Inglesa ho tema feira karreira 2024.
“Ita konvida kompañia internasional no lokal hamutuk 23 maibe kompañia ne’ebe mak ohin estabelese hamutuk 20 ho objetivu ba estudante sira mai konsulta kona-ba oportunidade vaga servisu, programa estajiu no servisu volutariu”, nia dehan.
Atividade ne’e iha ligasaun entre kompañia ho estudante finalista sira, durante loron rua ( 25-26 Junho 2024).
“Ami nia assitente kompleta maknorin Tangam husi Estadus Unidus Americanu (USD), ne’ebe hanorin voluntariu iha ILC mak fó ninia ideia , hakarak introdus feira karreira ba UNTL no mos programa ne’e ami planu kada tinan sei halo”, nia dehan.
Entretantu Reprezentante Diresaun Rekursu Humanu kompañia HEINEKEN, Ernesto da Costa haktuir, prezensa iha feira ne’e lori brosura atu esplika kona-ba kriasaun, prosesu reprodusaun no buat hotu ne’ebe ami hala’o iha kompañia HEINEKEN.
“Estudante sira haree brosura HENEKEN, ami esplika kle’an. Ami hetan estudante barak mak husu liu kona-ba produsaun bintang liu husi HENEKEN,” nia dehan tan.
Alende ne’e jornalista www.lifaupress.com hetan mós esplikasaun husi Dili Development Company, Lda (Timor Plaza) nia edifisiu iha Timor Plaza level 1, Comoro Dili.
Area Timor Plaza, iha negosiu Hotel Timor Plaza, manutensaun, konstrusaun, operasaun bisnis, armazé, sosa no operasaun.
Atu hetan oportunidade ida – nee, bele haruka Kurikulum vitae liu husi sira nia email mak [email protected]. (*)
