Reportajen : Celcia Magno
Venila (LIFAUPRESS) : Autoridade Munisipiu Baucau, liuhusi Sekretariu Planeamentu Investigativu Dezenvolvimetu Intergradu, Eduardo Freitas Ximenes, Lansa Programa Desportivu Jogu Futebol, Domingo (26/05/2024) tuku 02.00 loraik OTL, iha Campu Futebool Venilale Munisipiu Baucau, hodi hametin lasu amijade entre Juventude sira .
Jogu Desportu futebool ne’e, partisipa husi Clubu 31 husi Suku 8 . Liuhusi jogu ne’e, mos sei prepara jogador sira ne’ebe di’ak rhodi epresenta Postu Administrativu Venilale iha jogu Munisipal no Nasional.
Sekretariu Planeamentu Investigativu Dezenvolvimetu Intergradu -PIDI, Eduardo Freitas Ximenes iha nia diskursu husu ba Juventude sira, nafatin kria estabilidade no paz durante jogu desportu. “ Joga didi’ak, hodi lori Venilale ba oin no ba futuru. Kontinua habelar jogu ne’e ba jerasaun foun sira, ne’ebe iha talentu futebool,” na dehan.
Entretantu, Prezidente Komisaun Organizadora. Jose Freitas Boavida ba jornalista sira promote sei garante paz no estabilidade durante jogu amizade hodi motiva juventude sira ba future desportu futebol.
Filipe Pereira husi Clubu MALASKONT apresia abertura jogu Futebol iha Postu Administrativu Venilale. “Husu ba Governu atu kontinua loke Jogu torneiu desportu iha postu ida- idak. Nune’e labele kria problema iha publiku, “ Filipe hateten.
Orsamentu ne’ebe aloka ba jogu amizade ne’e maihusi autoridade Munisipiu Baucau, ho osan dolar amerikanu hamutuk USD $ 5.600. Ba Klubu no jogador sira nebe hetan klasifikasaun sei hetan premiu.
Iha Abertura ba jogu futebol ne’e FC MALASKONT hasoru clubo FC UAIDAU ho rezultadu Klubu Malaskont manan FC Uaidau ho skors 5-4 . Jogu amizade ne’ebe asisti husi ema kuaze atus rua resin, hetan seguransa masimu husi Policia Eskuadra Venilale. (*)
