Reportajen : Celcia Magno
VENILALE (lifaupress) : Gabinete Prezidensia Republika liuhusi Asesor prinsipal Asuntu inkluzaun social, sei vizita Robi Camara de Oliveira nebe moras difisiensia komplikadu iha area Ariana aldeia Uatu-Asa suku Uatu-Haco postu Administrativu Venilale Munisipiu Baucau
Asesor prinsipal Prezidenti Republika ba asuntu inkluzaun sosial, Gaspar Afonso informa ida – ne’e ba jornalista online www.lifaupress.com liuhusi watshap, foin dadaun.
“ Ha’u orgullu lost anba ita sai jornalista ne’ebe mak ativu halo kobertura kona-ba ema ho defisiensia, maibe destaka iha Postu administrativu. Ne’e ita kontenti. Ha’u sei tenta atu tesik ba (Venilale-read) hodi hare direitu labarik ne’e nia kondisaun,” Aseso prinsipal, Gaspar Afonso hateten.
Hanesan publika ona liuhusi online www.lifaupress.com inisiu fulan Maiu liuba, Robi Camara de Guterres, atualmente sofre hela moras difisiensia komplikadu ba matan, ain liman no ko’alia seidauk hatene, durante tinan 6 ona.
Tuir kronolojia, Robi Camara de Guterres moris mai ho kondisaun normal. Bainhira halo fulan ida, moras isin manas maka’as no estika asalta nia,. Husi ne’e kedas, familia lori ba halo tratamentu saude iha Ospital Regional Baucau. Durante fulan ida, tama iha sala Auxio, uza mangeira, oxigenio no soru tau ba nia isin sira.
Bainhira alta husi Ospital Regional Baucau HoReX, familia hanoin katak Roby nia kondisaun saude normal fali ona. Maibe realidade, hasoru moras difisiensia komplikadu ba matan, ain, liman no seidauk hatene ko’alia ate ohin-loron.
Domingos Camara de Oliveira, aman husi Robi senti triste tebes. Ko’alia ba jornalista online www.lifaupress.com, iha nia rezidensia Area Ariana, Aldeia Uatu-Asa, suku Uatu-haco, Postu Administrativu Venilale, Baucau, Kinta Feira (09/05/2024) tuku 10.00 OTL, Domingos Camara de Oliveira hateten, durante ne’e, inan-aman fo han deit oan ho sasoro no hemu bee uza bibiron. Perigu liu maka bainhira nia hamlaha, hamrok no atu sentina, sempre hatudu ho sinal tanis deit.
“ Ami kuidadu nia truka malu de’it, entre ina-man, subrinho, subrinha no avo sira. ” Agradese ba Maromak tanba nia sei hamutuk ho ami, maske nia moras grave Tebes. Pasensia simu realidade ne’e durante tinan 6 ona,” Domingos Camara dehan tan.
Durante ne’e, familia lori Robi ba halo tratamentu deit iha programa Sisca no Sentru Saude Venilale. Iha ne’eba, mediku Sira fo aimoruk hodi konsumu..
Robi Camara de Guterres, moris iha loron 26 Setembru 2018. oan dahat husi maun – alin na’in 6 husi aman Domingos Camara de Oliveira no Inan Ana Ofelia Maria de Oliveira. (*)
