Reportajen Celcia Magno
VENILALE ( Lifaupress) :Eskola Tekniku Vokasional Madre Maria Mazarello Venilale, halo promosaun ba aihan sira tuir area alimentasaun no hotelaria. Promosaun aihan ne’e realiza, hafoin selebra loron restaurasaun Independencia ba dala 22 iha salaun postu Venilale tuku 12.00 Meudia OTL.
Objetivu promosaun ia-han husi estudante Eskola Teknika Vokasional Madre Maria Mazarello, atu atrai komunidade no bainaka sira, hola aihan iha ambiente restaurasaun loron Independensia bad ala 22.
Ba Alimentasaun aihan mak hanesan Bakso, Piza, Dose, dose ikan ,katupa no seluk tan, faan ho folinnaton husi USD $0,25 to’o USD $ 3 dolares.
Xefe Departementu Alimentasaun no bebidas, Eufrasia da Costa Viera ba Jornalista sira hateten, ba departementu Alimentasaun no Hotelaria hakarak sira – nia talenta no aprende iha Eskola, hodi hatudu ba publiku .
“Estudante Sira uza rasik Osan hodi hola sasan Sira hafoin bele pratika iha eskola hodi fan tuir Ida Idak nia folin nebe la hanesan,no orsamentu sira hatama fali ba iha Osan kas eskola nian,” Professora Eufrasia esplika.
Estudante sira hateten, “ Ami ida-idak hatudu pratika ba area alimentasaun no hotelaria ba kliente sira, hodi hola tuir Ida-idak nia folin.”
Entretantu, Eugenia da Costa Soares nudar kliente apresia estudante sira, tanba bele ona hatudu sira – nia talenta ba ema hotu hodi hola no Konsumu. (*)
