Reportajen : Celcia Magno
VENILALE (lifaupress): Gabinete Prezidente Republika liuhusi Asesor Prinsipal AsuntU Inkluzaun Sosial, Gaspar Afonso vizita no fo apoiu nesesidade ba labarik ho defsiensia, Robi Camara de Oliveira ho total orsamentu $100, uza ba nesesidade loron loron.
Apoiu ne’e entrega direta husi Asesor Prinsipal AsuntU Inkluzaun Sosial, Gaspar Afonso iha Robi Camara de Oliveira nia hela fatin, area Ariana, Aldeia Uatu-asa, suku Uatu-Haco , Postu Administrativu Venilale, Baucau, Tersa Feira (28/05/2024) tuku 10 dader OTL.
Robi Camara de Oliveira nuudar defieinsia dirante tinan 6 ona. Nia sofre defisiensia ho moras komplikadu, ba matan, ain, liman no pior liu ate atualmente seidauk bele hateten ko’alia ho di’ak.
Asesor prinsipal Prezidente Republika ba Asunto Inkluzaun Sosial, Gaspar Afonso ba jornalista online www.lifaupress.com hateten, objetivu vizita ne’e atu hare direta Roby nia kondisaun no fo apoiu orsamentu uituan hodi responde ba nia nesesidade ba loron ida rua nian.
Nia mos husu ba robi nia familia atu tempu badak lori robi ba halo tratatamentu terapia iha munispiu Dili, hodi hare ba nia kondisaun moras difisiensia komplikadu.
“Ha’u fila ba Dili Sei hato’o ba Prezidente Republika, Jose Ramos Horta, hodi hatutan ba nonu Governantes sira ne’ebe iha kompetensia ba ema ho difisiensia sira iha teritoriu laran tomak , hodi tau matan no prioritiza tratamentu ba ema ho defisiensia atu sira mos iha futuru diak,” Asesor prinsipal Prezidente Republika ne’e reafirma.
Alinde nee, Ana Ofelia de Oliveira, inan ba Robi hato’o obrigadu barak ba Asesor Prinsipal Prezidente Republika vizita direta ona Robi no fo orsamentu uituan hodi sustenta nia nesesidade sira.
Hafoin vizita Robi Camara de Oliveira, Asesor Gaspar kontinua viajem ba Postu Kelikai, munispiu Baucau, hodi vizita difisiensia komplikadu balun. (*)
FOTO HAMUTUK L Asesor Prinsipal Prezidenti Republika ba Asuntu Inkluzaun Sosial, Gaspar Afonso (oklu) foto hamutuk ho Roby ho nia Ina-aman no jornalista lifaupress.com (liman karuk), hafoin vizita no entrega fundus uitoan ba nesesidade lorloron. Foto LP/Calcia
