Repirtajen : Mauno Sotan
MAUBISE ( lifaupress) : Konsellu Imprensa (KI) Timor -leste koopera ho ABC ID, fasilita Formasaun releva kunhesimentu ba jornalista Sira kona – ba Kuidadu aan iha espasu Online internete.
SERIU : Jornalista sira seriu tebes rona materia Formasaun husi fasilitador, Nycols, Formasaun kona-ba ” Kuidadu aan rasik iha espasu Online” durante Formasaun iha Maubise, Kuarta-feira (5/3/2025) , Foto LP/MS
Formasaun ne’ebe partisipa husi Jornalista kuaze na’in 20 realiza iha Salaun SARA, Maubise ( Ainaro), Kuarta (5/3/2025).
Objective formasaun ne’e, atu eleva kunhesimentu no kapasidade jornalista sira kona-ba utilizasaun internet ho kuidadu no seguru, ba aan rasik no ba publiku, prevene publikasaun notisia falsu, disinfrmasaun no misinformasaun .
Prezidenti Konsellu Imprensa, Otelio Ote iha abertura hateten, Formasaun ba jornalista kona-ba kuidadu utiliza media online importante tebes.
” Formasaun nee importante. No liuliu ba jornalista Sira, atu iha kunhesimentu konaba oinsa utiliza media sosial, liuliu oinsa publika Informasaun no asesu Informasaun husi media sosial,’ Nia dehan.
Iha pratika realidade durante nee, Otelio dehan tan, jornalista sira utiliza media sosial nudar fontes informasaun, ne’ebe dalaruma publika sem konfirmasaun loloos ba informasaun loloos ba publikasaun Sira iha media sosial.
” Jornalista nee Rigor iha lialoos. Nunee, presiza hatene halo selesain loloos ba informasaun Sira neebe espalu Liuhusi media sosial'”nia dehan Tan.
Entretantu reprezentante ABC ID iha Timor Leste, Fiona esplika, Formasaun nee nudar implementasaun husi akordu ne’ebe estabelese ho Konsellu Imprensa tinan liuba.
” Ami lori formador Ida ne’ebe expert iha ABC australia tomak konaba utilizasaun media online espesial media sosial. Nunee, jornalista iha Timor Leste iha kunhesimentu hanesan ho Jornalista Australia,'”nia dehan .
FORMASAUN : asilitator Formasaun, Nycols, bainhira introduz materia Formasaun kona-ba ” Kuidadu aan rasik iha espasu Online” durante Formasaun iha Maubise, Kuarta-feira (5/3/2025) , Foto LP/MS
Nia observa, lakleur Tan Timor Leste sei utiliza ona sistema internet kabu aubmarinho ne’ebe SEI rezultadu kapasidade internet Aas, lalais no kualidade.
‘ Em barak seinua internet, liuliu husi plataforma media sosial atu publika informasaun sira variativu. Nunee jornalista Sira presiza kunhesimentu konaba seguransa internet bainhira adaptasi aan ba sistema internet lais no hatene distingi lia loos husi husi publikasaun media sosial Sira,” Nia reafirma ran.
Entretantu, fasilitator Formasaun, Nycols hateten, bazeia ba peskiza iha Timor – Leste , sidadaun barak asesu informasaun liuhusi Televizaun.
Maibe iha Australia, Ema barak komesa fiar ba publikasaun sira iha media sosial,. Entretantu fiar ba media konvensional komesa mihis ona. Tanba, sidadaun Sira konsidera informasaun husi media sosial reprezenta ema hotu nia lian, hato’o realidade sira ne’ebe akontese iha sosiedade Nia leet, la hare ba kor politika no interese privadu ka grupu.
Alende Formasaun konaba seguransa internet, ABC ID mos fasilita ona Formasaun kona – ba indepth reporting, repirtajen investigativu, reportajen inklusivu no Story telling. (*)
