Reportajen: Florentina Bianco da Cruz
DILI (lifaupress) : Adjuntu Komisariu Komisaun Anti Korupsaun (KAK) asuntu prevensaun no sensibilizasaun, Rosario Salsinha Araujo hateten, Estratéjia Nasionál Anti Corupsaun (ENAK) refleta nuudar asuntu nasionál kona-ba kombate Korupsaun iha rai-laran.
“ENAK sira, refleta estudo lubuk ida ne’ebé hatudu no indika katak, ita nia nasaun ne’e iha hela tentasaun krutus. Ita – nia mós tentasaun krutus ba setor lei, ejiji sira tenke iha repozisaun Estadu sira, setor públiku, setor privadu tenke komprimenta,” Rosario Salsinha Araujo esplika ba Jornalista sira iha Salaun MSSI, Dili, Kuarta – feira (09/07/2025).
Tuir Rosario Salsinha Araujo, aprosimasaun represivu tenke iha, atu ema ne’ebe halo sala tenki komprimenta lei, tuir investigasaun no ba hatan iha Tribunal.
“ Tenke komprimenta matéria ida preventive. Nia konsentra nia sala, nia hadia an. Sala instituisaun ka lae, nia hatene hadia an ou buka maneira seluk atu soe tiha kultura no hahalok ida la di’ak iha estadu ne’e tenke muda. Ita tenke koko kulturá ida di’akli tan,” nia dehan.
Nia reafirma tan, ema hotu ne’ebe involve iha setor publiku, komesa husi nivel karaik to’o leten, tenki kumpri regra. “ Diskusaun ba dikumentus prevensaun ne’ebe hahu ona, pelumenus to’o fulan Dezembru 2025 tenke iha ona rezultadu formal ida, naran ENAK, para sai medidas forte no instituisaun ida idak tenke komprimenta, hodi implementa nurdar formas ida,” nia dehan tan.
Iha diskusaun dokumentu ne’e, parte hotu involve inklui sosiedade sivil, kompanha sira setor privadu, no covisoes relijiosu sira, nuudar servisu ida intergrade.
“Intensaun servisu intergrade, atu instituisaun hotu tun ba terenu ida-idak, hala’o servisu, maibé nafatin iha koridor servisu instituisaun ida-ida nian. CAC ba hare asuntu ida liga ho asuntu CAC nia servisu no funsaun públiku haree asuntu liga ho funsaun públiku, patrimoniu haree sasan estadu nian no inspesaun jerál haree estadu – nia kontabilidade, ” nia esplika.
Komisariu Komisaun Anti Korrupsaun, Rui Pereira dos Santos hatutan, diskusaun dokumentu estratezia Nasionál Anti Korrupsaun nuudar kontinuasaun diskusaun husi enkontru loron 30 Maiu 2025.
“Ne’e ita hotu – nia kumprimisiu atu hola parte hakerek dokumentu Estratezia Nasionál Anti Korrupsaun,” Rui Pereira dos Santos dehan. (*)
