Reportagen: Osterlia Muni
DILI- (Lifaupress): Direitór Diresaun Investigasaun Kriminál Nasionál (DIKN) Polisia Nasional Timor-leste (PNTL), Superintendente Polísia João Belo dos Reis, hatete, liuhusi operasaun konjunta , Polisia kaer Timoroan na’in 90 tanba hakat fronteira ilegal atu tuir ezame Arte Mariais iha Atambua, Nusa Tenggara Timur (NTT) Indonesia.
Operasaun Konjunta e’e hala’o husi Servisu Informasaun Polísia Unidade Patrulalementu Fronteira (UPF) no autoridade seguransa sira seluk.
“ Iha kapturasaun ne’e, ekipa konjunta prende mos atributu arte marsiais, “ Superintendente Polísia João Belo dos Reis inform aba joralista sira, Kuarta-feira (09/07/2025) iha Komandu Jerál PNTL Kaikoli, Dili,
Alemde atributu arte marsiaias, prende mos osan dolar amerikanu $ 2 mill, kilat anin (Senapan Angin no Asu 2 lori husi Indonesia mai timor.
“ Agora dadaun moras asu ou Rabies, agora lao hela ha teritoriu laran, husu sidadaun atu evita importa kualkér animal, liu-liu asu husi nasaun viziñu mai Timor-Leste, tanba risku ba ema – nia vida. Husu ba sidadaun sira bainhira hakat fronteira, tenki liuhusi prosesu legal, ” Joao Belo dehan tan.
Ba Inan-aman sira, PNTL husu nafatin atu kontrola oan sira, liuliu tanba nesesidade ruma hakarak ba nasaun viziñu tenke ho dalan legal. Tanba iha Timor-Leste, Nonu Governu Konstitusionál bandu atividade Arte-Marsiais.
Entretantu, Komandante Unidade Patrulamentu Fronteira Superintendente Polísia Euclides Belo dehan, UPF garante nafatin Seguransa iha liña Fronteira. “ Nune’e, wainhira sidadaun ne’ebe mak la kumpri regras ou tama illegal, UPF foti medidas tuir lei rigor,” Euclides Belo dehan.
Nia mos husu ba sidadaun sira atu hakat fronteira ho prosesu legal liuhusu pontu entrada Batugade, Mota Masin, Sakato no Oesilo atu labele hetan detenssaun husi Polisia.
“ Sei imi uza dalan illegal, wainhira mosu insidente ruma se mak responsabiliza? Nune’e, husu kumpri regras iha liña Fronteira. Fronteira seguru, ema hotu nia movimentu mos ho seguru,” nia esplika tan. (*)
