Reportajen : Celcia Magno
VENILALE (Lifaupress) Konsellu Suku liuhusi Xefe Juventude suku Ualu, loke filme historia masakre Santa Cruz- Dili, 12 Novembro 1991 ba Veteranu, komunidade sira iha Postu Administrativu Venilale, Baucau, hodi relembra fali istoria juventude sira, ne’ebe fakar ran mate barak iha tempu ne’eba.
Tuir observasaun Jornalista online www.lifaupress.com, autoridade lokal postu Venilale, Juventude, konsellu suku no komunidade sira, kuaze atus ida resin asisti filme ne’e ho seriu, maske kalan ona .
Antes loke filmajen, autoridade lokal veteranus hamutuk ho komunidade no estudante sira, lori aifunan husi edifisiu Postu Administrativu Venilale, lao ain ba monumentu da Patria Kampu Infantil nia sorin, hodi kari ai-funan tuku 07.00 kalan OTL.
Komunidade, estudante no juventude balun, sente hakfodak no tauk, bainhira asisti filme, liuliu bainhira kilat tarutu no balun mate no halai namkari.
Hafoin loke filme, kontinua halo relfesaun ba Loron Nasional Juventude no Masakre Santa Cruz, kontinua kedas ho sunu lilin haleu Kampu Infantil Venilale, edifisu Postu Ademinisyrativu nia oin. (*)
