Reportajen : Celcia Magno
VENILALE (lifaupress): Maske kalan ba bebeik maibe labarik barak tantu husi feto no mane antusiasmu anima dahur ho autoridade lokal postu Venilale ,Parentes Veteranus ,mate restu 12 Novembro ,juventude balun hodi komemora loron Juventude Masakre Santa Kruz Iha edifisiu Postu Venilale.
Tuir observasaun Jornalista www.online lifaupress.com Hafoin remata reflesaun ,sunu lilin ho anima dansa kultura husi estudante sira ,Labarik sira kontenti haksolok dahur ,nafatin haksolok haksoit hodi hatudu ida-idak nia jestu dansa tanba Timor Ukun an ona liuhusi mate restu sira nia luta no brani ohin loron liberdade ba sira jerasaun foun sira durante tinan barak nia laran.
Labarik sira sente kontenti tanba liuhusi komemora loron importante ida ne’e ,atu jerasaun foun sira nafatin hatene klean istoria Juventude masakre santa kruz liuhusi relfelsaun ,sunu lilin no loke filmajen nune’e sira nafatin estuda hodi lori Timor ba oin no sai furak liutan iha futuru mai.
Aliende ne’e ba komemora loron juventude ne’e ,kari aifunan iha monumentu da patria kampu infantil Venilale sorin hahu iha tuku 6:45 loraik OTL ,kontinua loke filmajen ,halo reflesaun sunu lilin anima dansa kultura no dahur hamutuk to’o tuku 10:40 hafoin fahe malu ba ida-idak nia uma hodi deskansa.
Entretantu Juventude,no komunidade balun nebe la partisipa iha postu Venilale ,sira sunu lilin deit iha estrada ibun,balun iha uma oin no sunu mos roda iha estrada ninin sira maibe seguransa husi Policia eskuadra Venilale kontinua hala’o patroliamentu nune’e Postu Venilale la’o diak to remata. (*)
