Reportagen: Osterlia Muni
DILI- (lifaupress): Komandante Munisípiu Díli (KMD), Superintendente Xefe Polísia, Orlando Gomes husu ba joven sira atu kontribui paz no estabilidade iha rai doben Timor-Leste.
“ Labele hanoin mak kria probelma no Inan – aman mos lakohi kontrola nia oan sira, husik abandona no ransu livre hodi halo probelma iha fatin-fatin,” Komandante Munisípiu Díli (KMD), Superintendente Xefe Polísia, Orlando Gomes hato’o ba jornalista sira iha eskuarda PNTL Becora, Dili, Kuarta – Feira (16/07/2025).
Nia informa, problema sempre mosu iha area juridiku Postu Administrativu Kristu Rei, tanba iha nia fukun. maibe oinsa Autoridade lokal no Autoridade siguransa buka atu resolve prblema sira.
Entretantu, Diretor Ezekutivu Asia Justice and Rights (HAJAR ) Jose Luis de Oliveira rekunhese hetan independensia la’os buat hotu nabilan. “ Maibe, sei iha buat barak mak la’o seidauk loos no injustisa,” Jose Luis Oliveira dehan.
Dalabarak problema ne’e mosu iha sosiedade, tuir Jose Luis, la’os liuhusi joven sira maibe iha fukun ruma hanesan diskriminasaun no injustisa. Maske nune’e, presiza tau atensaun ba ba nasaun -nia interese no estadu nia interese tau aas.
“Agora ita presiza atu lori rai ne’e ba oin no presiza resolve konflitu, violensia ho ulun malirin,” nia dehan tan.
Kona-ba seguransa durante eventu desportiva internasional Jogu CPLP, nia dehan, Timor-leste presiza hatudu imajen di’ak hodi hatudu ba komunidade Internasional, liuliu nasaun membru CPLP katak Timor-leste nuudar uma na’in ba Jogiu ne’e, seguru no la’o susesu.
Iha parte seluk, Administrador Cristo Rei, Fernando de Araujo mos husu ba joven sira hatudu hahalok di’akdurante jogu CPLP. “ Husu ba kada Xefi Aldeia, atu tau-matan ba joven sira husi suku 3 (Bidaun, Kuluhun no Becora) no tuir dialogu,” Fernando de Araujo dehan.
Nia husu mos inan – aman sira, tau atensaun ba oan, hanorin jove sira iha aldeia, atu nune labele kria problema iha familia no sosiedade nia leet. (*)
