Reportajen Celcia Magno
VENILAL(lifaupress) : Ilhas Sagrado Coracao de Jesus vizita ikus ba sarani estasaun Kapela Sao Joao Paulo II Uai Oli ne’ebe entrega husi estasaun Kapela Sao Jose Aldeia Osogori, suku Uatu-Haco Venilale munisipiu Baucau iha Tersa Feira (15-07-2025) tuku 5 loraik OTL.
Hafoin estasaun Kapela Sao Jose Osogori entrega ba Estasaun Kapela Sao Joao Paulo II, sarani, autoridade local, veteranus, Inan aman, juventude, estudante inklui labarik kik sira, kontinua kedas kari aifunan ba ilhas.
Alende ne’e, iha liafuan badak husi Xefe Suku Uai-Oli, Doadvend Da Cruz Ximenes, tara Tais ba Ilhas Sacrojes husi Xefe Suku Sesante Uai -Oli, kontinua lia dadolin husi Juventude Hermenegildo Ximenes ho akompanha Flauta no ikus liu sarani sira la’o ain hodi ba estasaun Kapela, akompanha ho orasaun to ba horik fatin.
Tuir observasaun online www.lifaupress.com, sarani sira simu ilhas sagrado Coracao de Jesus ho fuan, antusiazmu no haksolok tanba prezensa hametin sira – nia fiar ho hakbesik ba uma Kreda hodi halo orasaun misteriu.
Iha okaziaun ne’e, sarani sira halo adorasaun kada aldeia 4 ho ora, tuir orariu nebe determina. Iha Kuarta (16-07-2025) Amu Paroku Carlos Fernandes, SDB fo retiru ba inan – aman sira ne’ebe nia oan sira atu simu Sakramentu Baptizmu no prezidi Misa iha estasaun Kapela Sao Joao Paulo II no fo sarani labarik hamutuk 140.
Hafoin Misa, sarani Estasaun Kapela Uai-Oli entrega ba iha Paroquia Sagrado Coracao De Jesus Venilale. (*)
RETIRU : Inan-aman sira husi kabarık sira ne’ebe otu simi Sakramanetu Batizmu, partisipa Retiru, molok Misa, ne’ebe prezidi husi Amo Paroku Carlos Fernandes, SDB. Foto LP/Celcia Magno
