Reportagen: Osterlia Muni
DILI – (Lifaupress): Sekretario Estadu Komunikasaun Sosial (SEKOMS), Espedito Loro Dias Ximenes hateten, seminariu Nasional iha UNITAL, nudar parte programa id husi Ajensia Notisioza Nasional TATOLI, ne’ebe efetivu tebes, tanba hafors edukasaun sivika, liuliu ba estudante universitariu sira.
Sekretariu Estadu Komunikasaun Sosial, Espedito Loro Dias Ximenes hato’o ida ne’e durante ambiente seminar nasional ho tema “Konseitu Estadu vizaun estratejiku Ba dezenvolvimentu Nasional”, Segunda- feira (07/07/2025) iha salaun UNITAL Becora, Dili.
“Fiar katak parseria ne’e fortifika diakliu tan importantesia sidadaun sira-nia komprensaun kona-ba Estadu nia konseitu no vizaun estratejiku ba Dezenvolvimentu,” Expedito hateten.
Tanba iha mos transmisaun direta husi kanal Ajensia Notisioza Tatoli, nune’e sidadaun iha direitu asesu ba informasaun no fo Forsa ba iha liberdade imprensa no liberdade espresaun.
“ Ida-ne’e nudar prova ida, katak, meius komunikasaun sosial no Instituisaun Ensino Superior sira bele kolabora hamutuk ho solida tebes dizamina informasaun no halo edukasaun sivika ho profisional ba interese nasional,” Expedito Diaz Ximemens hateten. (*)
FOTO HAMUTUK : Delegasaun husi Ajensia Notisioza TATOTLI, Hasai foto hamutuk ho Segundu Vise Primeiru Ministru, Mariano Asanami, Sekretariu Estadu omunuksaun, Espedito Dias Ximemes, estruturua Universidade no konvidadus balun, Segunda- feira (07/07/2025) iha salaun UNITAL Becora, Dili. (foto Lifau/Osterlia)
