Reportagen: Osterlia Muni
DILI- (lifaupress): Ministru Defeza (MD), Kontra Almirante Donanciano Costa Gomes “Pedro Klamar Fuik hatete Ofisiálmente entrega transporte tatika hamutuk 18 ba ba Instituisaun Forsa Defeza Timor-Leste (F-FDTL)
Serimonia entrega kareta sira ne’e hala’o iha Kuartel General Fatuhada, Dili, Sesta – feira (04/07/2005). Kareta sira ne’ebe entrega on aba F- FDTL ne’e kompostu husi marka Baic 10 no marka Isuzu 8.
“Ita oferese kareta sira-ne’e, atu hala’o knaar ho profesionál no moderniza ekipamentu transporte. Ha’u – nia felisitasaun ba Instituisaun F-FDTL, tanba iha tan meius transporte adekuadu,” Ministru Defeza (MD), Kontra Almirante Donanciano Costa Gomes “Pedro Klamar Fuik hatete
Tinan 20 resin ba katuk, Timor-leste transforma Falintil ba F-FDTL ho iha deit viatura ida. Maibe ho evoluasaun tempu, konsege transforma no atrubui meius modernu ba F-FDTL.
Kareta sira ne’e sosa husi Kompaña Dus no Fortuna Star. Kompaña Dus hola Viatura tatika 10 ho marka Baic, entretantu Kompaña Fortuna Star hola kareta 8 ho marka Isuzu.
“Hau husu ba Instituisaun F-FDTL ne’ebe hetan atribuisaun meius foun ne’e, presiza iha jestaun ho didiak. Husu Xefe Estau Maior General F-FDTL atu kontrola ho riguroju, hodi utiliza viatura tatika sira nee tuir misaun F-FDTL iha empu naruk, servi rai, povu no nasaun.
Ministru Defeza mos esplika, Ministeriu Defeza halo esforsu no sakrifíka ba Administrativa balun, hodi bele halo akizasaun ba meius tatikus Administrativus ne’ebe F-FDTL iha hanesan transporte pesoal no transporte Administrativa.
Entretantu, Xefe Estadu Maiór Jenerál Forsa Defeza Timor-Leste (F-FDTL), Tenente Jenerál Domingos Raul Falur Rate Laek agradese ba Ministru Defeza nia apoiu ba instituisaun F-FDTL ho ekipamentu viatura tatika, neebe neneik maibe bebeik, nune’e F-FDTL bele hala’o nia misaun ho Profesionál no Modernizadu.
“Hau atu ita utiliza transporte nee ho riguroju, responsabilidade no uza ba nesidade instituisaun F-FDTL. Tanba ita iha ona diretiva ida neebe atu kontrola ba transporte viatura tatika sira, ne’ebe apoiu husi Ministeriu Defeza,” Tenete Jeneral Falur Rate Laek dehan
Nia mos husu ba Xefe Viatura, atu kontrola Motorista no mekaniku sira, atu halai tuir regra no kontrola kareta nia kondisaun. Tanba asidente ne’ebe akontese durante ne’e, tanba inkapasidade motorista sira, kauza husi la obedese regras.
“Hau husu ba Membru F-FDTL hotu-hotu, atu sai servidor ba rai ida – nee, liuliu ba ita nia soberania. Tanba ita iha istória libertasaun ne’ebe diferente ho rai seluk iha mundu. (*)
